വടകര: കഞ്ചാവ് വില്‍പ്പനക്കിടയില്‍ രണ്ടുപേര്‍ വടകരയില്‍ എക്‌സൈസിന്റെ പിടിയിലായി. പതിരായരക്കര ചെറുകുന്നുമ്മല്‍ സലാഹുദ്ദീന്‍ (20), പുത്തൂര്‍ കോട്ടായിന്റവിട രഞ്ജിത്ത്(20) എന്നിവരെയാണ് എക്‌സൈസ് ഇന്‍സ്‌പെക്ടര്‍ പി.എസ് സുജിത്തും സംഘവും പിടികൂടിയത്.
ഇവരില്‍ നിന്നു 200ഗ്രാം കഞ്ചാവ് കണ്ടെടുത്തു. ബൈക്കില്‍ ദേശീയപാതയില്‍ കഞ്ചാവ് വില്‍ക്കുമ്പോഴാണ് ഇവര്‍ വലയിലായത്.
പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.