മലപ്പുറം: 'ഓപറേഷന്‍ ഒളിംപിയ' യുടെ ഭാഗമായി റോവിങ് (തുഴച്ചില്‍) ഇനത്തിന് 12നും 16നു ഇടയില്‍ പ്രായമുള്ളവരില്‍നിന്ന് അപേക്ഷ ക്ഷണിച്ചു. പെണ്‍കുട്ടികള്‍ക്ക് 162 സെന്റീമീറ്റര്‍ ഉയരവും ആണ്‍കുട്ടികള്‍ക്ക് 172 സെന്റീമീറ്റര്‍ ഉയരവുമുണ്ടാകണം. ആറിനു രാവിലെ ഒന്‍പതിന് എം.എസ്.പി ഗ്രൗണ്ടില്‍വച്ചും ഉച്ചയ്ക്കു രണ്ടിനു പൊന്നാനി എ.വി ഹയര്‍സെക്കന്‍ഡറി സ്‌കൂള്‍ ഗ്രൗണ്ടില്‍വച്ചും സെലക്ഷന്‍ ട്രയല്‍ നടത്തും. ക്ലാസ്, വയസ് എന്നിവ തെളിയിക്കുന്ന സര്‍ട്ടിഫിക്കറ്റ്, കളിക്കാനുള്ള കിറ്റ് എന്നിവ സഹിതം എത്തണം. മുന്‍പരിചയം ആവശ്യമില്ല. സെലക്ഷന്‍ ലഭിക്കുന്നവര്‍ക്കു താമസം, ഭക്ഷണം, പഠനം, പരിശീലനം എന്നിവ സംസ്ഥാന സ്‌പോട്‌സ് കൗണ്‍സില്‍ നല്‍കും. ഫോണ്‍: 0483 2734701, 2734704.