കാസര്‍കോട്: ജില്ലയുടെ വടക്കന്‍ മേഖലയില്‍ പാര്‍ട്ടിയുടെ വളര്‍ച്ചക്കുറവാണ് പാര്‍ട്ടി നേരിടുന്ന വലിയ പ്രതിസന്ധിയെന്ന് സി.പി.എം ജില്ലാ സെക്രട്ടറി കെ.പി സതീഷ് ചന്ദ്രന്‍ വാര്‍ത്താസമ്മേളനത്തില്‍ പറഞ്ഞു. ചന്ദ്രഗിരി പാലത്തിന് വടക്കോട്ട് പാര്‍ട്ടിക്ക് ഉണ്ടാകുന്ന വളര്‍ച്ചക്കുറവ് പരിഹരിക്കാന്‍ ശ്രമിക്കുകയാണ്. ജില്ലയില്‍ പാര്‍ട്ടിയുടെ ജനസ്വാധീനത്തിലുള്ള അസന്തുലിതാവസ്ഥ പരിഹരിച്ച് കൊണ്ടുള്ള മുന്നേറ്റത്തിനാണു പാര്‍ട്ടി ശ്രമിക്കുന്നത്. ഈ മേഖലയില്‍ പാര്‍ട്ടിക്കു ശക്തമായ വേരു പിടിപ്പിക്കാന്‍ കഴിഞ്ഞിട്ടില്ല. പരമ്പരാഗതമായ കാരണങ്ങളടക്കം വളര്‍ച്ചക്കു വിഘാതമായിട്ടുണ്ട്. പാര്‍ട്ടിയുടെ അടിത്തറ വിപുലമാക്കാനുള്ള ശ്രമങ്ങളാണ് നടത്തുകയെന്നും സതീഷ് ചന്ദ്രന്‍ വ്യക്തമാക്കി.