കൊച്ചി: കെ.എസ്.ആര്‍.ടി.സി ക്ക് ഇനിയും സാമ്പത്തിക സഹായം നല്‍കാന്‍ ആകില്ലെന്ന് സര്‍ക്കാര്‍ ഹൈക്കോടതിയെ അറിയച്ചു. സാമ്പത്തിക പ്രധിസന്ധി മറികടക്കാന്‍ സര്‍ക്കാര്‍ കഴിവില്‍ പരമാവധി സഹയം കെ.എസ്.ആര്‍.ടി.സി ക്ക്  നല്‍കിക്കഴിഞ്ഞെന്നും ഇതില്‍ കൂടുതല്‍ സഹായം സാധ്യമല്ലെന്നും ഗതാഗത വകുപ്പ് സെക്രട്ടറി ഹൈക്കോടതിയില്‍ സത്യവാങ്മൂലം സമര്‍പ്പിച്ചു. പെന്‍ഷന്‍ ലഭിക്കാത്തത് ചോദ്യം ചെയ്ത് മുന്‍ ജീവനക്കാര്‍ നല്‍കിയ ഹര്‍ജിക്കുള്ള മറുപടിയാണ് സത്യവാങ്മൂലം സമര്‍പ്പിച്ചത്. കെ.എസ്.ആര്‍.ടി.സി ജീവനക്കാരുടെ പെന്‍ഷന്‍ കാര്യത്തില്‍ നിയമപരമായി സര്‍ക്കരിന് നേരിട്ട് ബാധ്യതയില്ലാഞ്ഞിട്ടും പരമാവധി സഹായം നല്‍കി എന്നും സത്യവാങ്മൂലത്തില്‍ പറയുന്നു.

ഇതേ സമയം സര്‍ക്കാര്‍ വാദം തള്ളി കെ.എസ്.ആര്‍.ടി.സി എതിര്‍ സത്യവാങ്മൂലം ഹെക്കോടതിയില്‍ സമര്‍പ്പിച്ചു. പെന്‍ഷന്‍ നടപ്പാക്കുന്നത് സര്‍ക്കാര്‍ നിര്‍ദ്ദേശം അനുസരിച്ചായതിനാല്‍ സര്‍ക്കാരിന് പെന്‍ഷന്‍ കാര്യത്തില്‍ ബാധ്യതയുണ്ടെന്നാണ് കെ.എസ്.ആര്‍.ടി.സിയുടെ വാദം.