തൃശൂര്‍: കേരള ബോഡിബില്‍ഡേഴ്‌സ് അസോസിയേഷന്റെ നേതൃത്വത്തില്‍ ഇന്ന് തൃശൂര്‍ ഇന്‍ഡോര്‍ സ്‌റ്റേഡിയത്തില്‍ മിസ്റ്റര്‍ കേരള ശരീരസൗന്ദര്യമത്സരം നടക്കും. 225 ഓളം മത്സരാര്‍ഥികള്‍ പങ്കെടുക്കും. 

ചാമ്പ്യന്‍ ഓഫ് ചാമ്പ്യന്‍ പട്ടം നേടുന്നയാള്‍ക്ക് അരലക്ഷം രൂപയുടെ ഫിറ്റ്‌നസ് മെഷീന്‍ സമ്മാനമായി നല്‍കും. മത്സരത്തില്‍ ഓരോ വെയിറ്റ് കാറ്റഗറിയിലും ആദ്യമൂന്ന് സ്ഥാനക്കാര്‍ക്ക് കാഷ് പ്രൈസും അഞ്ചാംസ്ഥാനം വരെ നേടുന്നവര്‍ക്ക് ട്രോഫിയും സര്‍ട്ടിഫിക്കറ്റും സമ്മാനിക്കും. ഫെബ്രുവരിയില്‍ ചത്തീസ്ഗഢില്‍ നടക്കുന്ന ജൂണിയര്‍ ഇന്ത്യ മത്സരത്തിലേക്കും മാര്‍ച്ചില്‍ ന്യൂഡല്‍ഹിയില്‍ നടക്കുന്ന മിസ്റ്റര്‍ ഇന്ത്യ മത്സരത്തിലേക്കും ഏപ്രിലില്‍ ബിഹാറില്‍ നടക്കുന്ന ഫെഡറേഷന്‍ കപ്പ് മത്സരത്തിലേക്കുമുള്ള മത്സരാര്‍ഥികളെ ഇവിടെ നിന്നും തെരഞ്ഞെടുക്കും. വൈകീട്ട് അഞ്ചിന് മേയര്‍ അജിത ജയരാജന്‍ ഉദ്ഘാടനം ചെയ്യും. ഐ.ബി.ബി.എഫ് ജനറല്‍ സെക്രട്ടറി സുരേഷ് കദം അധ്യക്ഷനാകും. വിജയികള്‍ക്ക് എസ്.ഐ പി.ലാല്‍കുമാര്‍ സമ്മാനദാനം നടത്തും. കെ.ബി.ബി.എ ഭാരവാഹികളായ വി.ജി ബാബു, കെ.ആര്‍ കൃഷ്ണകുമാര്‍, ജോസ് പല്ലിശേരി, ബാബു വര്‍ഗീസ്, ഷനൂബ് എന്നിവര്‍ പത്രസമ്മേളനത്തില്‍ പങ്കെടുത്തു.