പേരാമ്പ്ര: നിരോധിത ലഹരി വസ്തുക്കളുടെ വന്‍ ശേഖരം പെരുവണ്ണാമുഴി പൊലിസും എസ്.പിയുടെ സ്‌ക്വാഡും ചേര്‍ന്നു പിടികൂടി. പന്തിരിക്കര ടൗണില്‍ ഗോഡൗണില്‍ സൂക്ഷിച്ച നിലയില്‍ 3000 പായ്ക്കറ്റുകളുടെ ശേഖരമാണ് കടയുടെ പൂട്ടുപൊളിച്ച് അകത്തു കടന്ന പൊലിസ് പിടികൂടിയത്. ഹാന്‍സ്, മധു എന്നീ ലഹരി വസ്തുക്കളുടങ്ങുന്ന ഉല്‍പ്പന്നങ്ങളാണ് എസ്.പിയുടെ നേതൃത്വത്തിലുള്ള സ്‌പെഷ്യല്‍ സ്‌ക്വാഡിന് രഹസ്യ വിവരത്തിലൂടെ കണ്ടെത്താനായത്. കൂടുതല്‍ വിവരങ്ങള്‍ക്കായി പൊലിസ് അന്വേഷണം ആരംഭിച്ചിട്ടുണ്ട്. ലഹരി ഉല്‍പ്പന്നങ്ങള്‍ പൊലിസ് കസ്റ്റഡിയിലെടുത്തു.