നെടുങ്കണ്ടം: കമ്പംമെട്ട് ചെക്ക് പോസ്റ്റില്‍ എക്‌സൈസ് സംഘം നടത്തിയ വാഹന പരിശോധനയില്‍ അരക്കിലോ കഞ്ചാവുമായി രണ്ടുപേരെ അറസ്റ്റു ചെയ്തു. പട്ടിമറ്റം നോര്‍ത്ത് മഴുവന്നൂര്‍ ചൊക്കാകുഴിയില്‍ വിനീഷ്(20), പട്ടിമറ്റം പാറോലില്‍ പ്രവീണ്‍(21) എന്നിവരാണ് അറസ്റ്റിലായത്. ഇവര്‍ സഞ്ചരിച്ചിരുന്ന ബസിന്റെ സീറ്റിനടിയില്‍ കഞ്ചാവ് പൊതിഞ്ഞ് കാന്തം പിടിപ്പിച്ച് വച്ചിരിക്കുകയായിരുന്നു. പ്രതികളെ കോടതിയില്‍ ഹാജരാക്കി. കമ്പംമെട്ട് എക്‌സൈസ് ഇന്‍സ്‌പെക്ടര്‍ ജിജി ഐപ്പ് മാത്യു, സിവില്‍ ഓഫീസര്‍മാരായ സത്യരാജന്‍, രാജ്കുമാര്‍, അനീഷ് എന്നിവര്‍ പരിശോധനക്ക് നേതൃത്വം നല്‍കി.