വെള്ളറട: രണ്ടംഗസംഘം കടയില്‍ അതിക്രമിച്ചു കയറി അംഗപരിമിതനെ ക്രൂരമായി മര്‍ദിച്ചു. വെള്ളറട കോട്ടുകോണം ചെന്നശ്ശേരി വീട്ടില്‍ രവീനദ്രനാ (58) ണ് മര്‍ദനമേറ്റത്, കഴിഞ്ഞ തിങ്കളാഴ്ച രാത്രിയായിരുന്നു സംഭവം.സമീപവാസിയും ബന്ധുവുമായ സന്തോഷ്, സുഹൃത്ത് സുരേന്ദ്രന്‍ എന്നിവരാണ് മര്‍ദിച്ചതെന്ന് പൊലിസില്‍ നല്‍കിയ പരാതിയില്‍ പറയുന്നു. ഒരുമാസം മുമ്പ് കടയില്‍ക്കയറി ആക്രമണം നടത്തിയതിന് ശശിധരനെതിരേ പൊലിസില്‍ പരാതി നല്‍കിയിരുന്നു. ഇതിലുള്ള വൈരാഗ്യത്തിലാണ് വീണ്ടും ആക്രമണമെന്നും പരാതിയില്‍ പറയുന്നു.