കൊല്ലം; നാനാത്വത്തില്‍ ഏകത്വം വിഭാവനം ചെയ്യുന്ന ഇന്ത്യാരാജ്യത്തെ ശിഥിലമാക്കാനുള്ള ഫാസിസ്റ്റ് തന്ത്രങ്ങളും തീവ്രവാദ നിലപാടുകളും ഒരുപോലെ രാജ്യത്തിന് അപകടം ചെയ്യുമെന്ന് തടിക്കാട് സഈദ് ഫൈസി അഭിപ്രായപ്പെട്ടു. റിപബ്ലിക്ക് ദിനത്തോടനുബന്ധിച്ച് എസ്.കെ.എസ്.എസ്.എഫ് കൊല്ലം ജില്ലയില്‍ അഞ്ചല്‍ മാര്‍ക്കറ്റ് ജങ്ഷനില്‍ സംഘടിപ്പിച്ച മനുഷ്യജാലിക ഉദ്ഘാടനം ചെയ്യുകയായിരുന്നു അദ്ദേഹം.
വൈകാരിക വിഷയങ്ങള്‍ പ്രഖ്യാപിച്ച് കൊണ്ട് ന്യൂനപക്ഷ സമുദായങ്ങളെ ഇളക്കി വിട്ട് രാജ്യത്ത് കലാപങ്ങള്‍ സൃഷ്ടിക്കാനുള്ള നീക്കം കരുതിയിരക്കണമെന്ന് അദ്ദേഹം കൂട്ടിച്ചേര്‍ത്തു.
ജില്ലാ ജംഇയ്യത്തുല്‍ മുഅല്ലിമീന്‍ പ്രസിഡന്റ് മഹമൂദ് മുസ്‌ലിയാരുടെ പ്രാര്‍ഥനയോടെ അഞ്ചല്‍ കോളജ് ജങ്ഷനില്‍ നിന്നും ആരംഭിച്ച മനുഷ്യജാലികാ റാലി അഞ്ചല്‍ ബദറുദ്ദീന്‍ ജില്ലാ പ്രസിഡന്റ് മുഹമ്മദ് റാഫി റഹ്മാനിക്ക് പതാക കൈമാറി ഉദ്ഘാടംചെയ്തു.
റാലി അഞ്ചല്‍ മാര്‍ക്കറ്റ് ജങ്ഷനില്‍ സമാപിച്ചു. അബ്ദുള്ള കുണ്ടറ, നിസാം കണ്ടത്തില്‍, നൗഷാദ്, നിസാ മുസ്‌ലിയാര്‍ കരുവ, അബ്ദുള്ള പുലിയില, സലീം ചെറുകര, അമ്പുവിള സ്വലാഹ് എന്നിവര്‍ റാലിക്ക് നേതൃത്വം നല്‍കി. തുടര്‍ന്ന് രാഷ്ട്രരക്ഷാ പ്രതിഞജ്ഞ ജില്ലാ പ്രസിഡന്റ് ചൊല്ലിക്കൊടുത്തു.
തുടര്‍ന്ന നടന്ന യോഗത്തില്‍ എസ്.കെ.എസ്.എസ്.എഫ് ജില്ലാ പ്രസിഡന്റ് മുഹമ്മദ് റാഫി റഹ്മാനി അധ്യക്ഷനായി. എസ്.കെ.എസ്.എസ്.എഫ് സംസ്ഥാന സെക്രട്ടറി ഹബീബ് ഫൈസി കോട്ടേപ്പാടം മുഖ്യപ്രഭാഷണം നടത്തി. ഇബ്രാഹിംകുട്ടി അഞ്ചല്‍, ശരീഫ് കാശിഫി, അഞ്ചല്‍ ബദറുദ്ദീന്‍, അബ്ദുല്‍ ജവാദ് ബാഖവി, എസ്.വൈ.എസ് സംസ്ഥാന സെക്രട്ടറിയേറ്റ് മെമ്പര്‍ എസ് അഹമ്മദ് ഉഖൈല്‍, ഷഹീദ് ഫൈസി, ഹുസൈന്‍ ഫൈസി, ഷമീര്‍ ഫൈസി, ഷാജഹാന്‍ അമാനി, ഇര്‍ഷാദ് അഞ്ചല്‍, ഷംസുദ്ദീന്‍ മുസ്‌ലിയാര്‍, സലീം റഷാദി, അന്‍വര്‍ കളയത്ത്, ഏരൂര്‍ ബദറുദ്ദീന്‍, മുഹമ്മദ് നൗഫല്‍ പോരൂക്കര എന്നിവര്‍ പ്രസംഗിച്ചു. ജില്ലാ ജനറല്‍ സെക്രട്ടറി സലീം മാസ്റ്റര്‍ സ്വാഗതവും മുഹമ്മദ് ഹാഷിം ചടയമംഗലം നന്ദിയും പറഞ്ഞു.