മാഡ്രിഡ്: സ്പാനിഷ് ലാ ലിഗയില്‍ കരുത്തരായ ബാഴ്‌സലോണ, അത്‌ലറ്റിക്കോ മാഡ്രിഡ് ടീമുകള്‍ക്ക് സമനില. റയല്‍ ബെറ്റിസിനെതിരേ ബാഴ്‌സലോണ അവസാന നിമിഷം വരെ തോല്‍വി മുന്നില്‍ കണ്ടിരുന്നു.
കളി തീരാന്‍ നിമിഷങ്ങള്‍ മാത്രമുള്ളപ്പോള്‍ ലൂയീസ് സുവാരസാണ് കറ്റാലന്‍ ക്ലബിനെ ഒപ്പമെത്തിച്ചത്. ഡിപോര്‍ടീവോ ആല്‍വെസ് അത്‌ലറ്റിക്കോ മാഡ്രിഡിനെ ഗോള്‍രഹിത സമനിലയില്‍ തളയ്ക്കുകയായിരുന്നു.
ചെല്‍സി, മാഞ്ചസ്റ്റര്‍
സിറ്റി വിജയിച്ചു
ലണ്ടന്‍: ഇംഗ്ലീഷ് എഫ്. എ കപ്പ് പോരാട്ടത്തില്‍ ചെല്‍സി, മാഞ്ചസ്റ്റര്‍ സിറ്റി ടീമുകള്‍ക്ക് വിജയം. ചെല്‍സി മറുപടിയില്ലാത്ത നാലു ഗോളുകള്‍ക്ക് ബ്രെന്‍ഡ്‌ഫോര്‍ഡിനേയും മാഞ്ചസ്റ്റര്‍ സിറ്റി 3-0ത്തിനു ക്രിസ്റ്റല്‍ പാലസിനേയും പരാജയപ്പെടുത്തി. ചെല്‍സിക്കായി വില്ല്യന്‍, പെഡ്രോ, ഇവാനോവിച്, ബാറ്റ്‌സ്ഹ്വായ് എന്നിവര്‍ വല ചലിപ്പിച്ചു. സിറ്റിയുടെ മൂന്നു ഗോളുകള്‍ സ്റ്റെര്‍ലിങ്, സനെ, യായ ടൂറെ സ്വന്തമാക്കി.