പുത്തന്‍ചിറ: കെ.പി.സി.സി ന്യൂനപക്ഷ സെല്‍ പുത്തന്‍ചിറ മണ്ഡലം കമ്മിറ്റിയുടെ ആഭിമുഖ്യത്തില്‍ 'എന്റെ ഇന്ത്യ, മതേതര ഇന്ത്യ' എന്ന പേരില്‍ ജനകീയ കൂട്ടായ്മ സംഘടിപ്പിച്ചു.
ന്യൂനപക്ഷ സെല്‍ ജില്ലാ ചെയര്‍മാന്‍ നൗഷാദ് ആറ്റുപറമ്പത്ത് ഉദ്ഘാടനം ചെയ്തു. ജില്ലാ പഞ്ചായത്ത് മെമ്പര്‍ ശോഭ സുബിന്‍ മുഖ്യപ്രഭാഷണം നടത്തി. മണ്ഡലം കോണ്‍ഗ്രസ് പ്രസിഡന്റ് വി.എ നദീര്‍, വെള്ളാങ്ങല്ലൂര്‍ മണ്ഡലം കോണ്‍ഗ്രസ് പ്രസിഡന്റ് ഇ.വി സജീവ് എന്നിവര്‍ മുഖ്യാതിഥികളായി.
ന്യൂനപക്ഷ സെല്‍ മണ്ഡലം ചെയര്‍മാന്‍ ജേക്കബ് പടമാടന്‍ അധ്യക്ഷനായി.
ബ്ലോക്ക് ചെയര്‍മാന്‍ മുഹമ്മദ് നിസാം, സി.കെ യുധി മാസ്റ്റര്‍, വി.എസ് അരുണ്‍ രാജ്, ജിജോ അരീക്കാടന്‍, മേരി വര്‍ഗീസ് സംസാരിച്ചു.
മുന്‍ ഡി.സി.സി മെമ്പര്‍ ആന്റണി പയ്യപിള്ളി, ടി. പ്രവീണ്‍, ടി.എസ് ഷാജി, പി.വി സലാം, കെ.പി പ്രജീഷ്, ടി.എം റഫീക്ക്, വാസന്തി സുബ്രഹ്മണ്യന്‍, മേജോ തോമസ്, ആനി മസ്‌ക്രീന്‍, ഷൈല പ്രകാശന്‍, എം.കെ കാഞ്ചന, മലര്‍മണി ഉണ്ണികൃഷ്ണന്‍ നേതൃത്വം നല്‍കി.