നിലമ്പൂര്‍: എരുമമുണ്ടയില്‍ പി.ഡബ്ല്യിയു.ഡിയുടെ കീഴിലുള്ള റോഡ് കൈയേറിയതായി പരാതി. എരുമമുണ്ടയിലെ പുതിയാംപുറത്ത് കുര്യാക്കോസ് ആണ് ഇത് സംബന്ധിച്ച് നിലമ്പൂര്‍ പി.ഡബ്ല്യിയു.ഡി അസിസ്റ്റന്റ് എന്‍ജിനീയര്‍ക്ക് പരാതി നല്‍കിയത്.
ചുങ്കത്തറ ഗ്രാമപഞ്ചായത്തിലെ ഒന്നാം വാര്‍ഡില്‍ എ163-ാം നമ്പര്‍ കെട്ടിടത്തില്‍ പ്രവര്‍ത്തിക്കുന്ന കോഴിക്കടയുടെ മാലിന്യ ടാങ്ക് സ്ഥാപിച്ചിട്ടുളളത് പൊതുറോഡ് കൈയേറിയാണെന്ന് പരാതിയിലുന്നയിക്കുന്നു. സ്ഥലത്തിന്റെ രേഖ സംബന്ധിച്ച് വില്ലേജ് ഓഫിസില്‍ വിവരാവകാശ നിയമപ്രകാരം സമര്‍പ്പിച്ച അപേക്ഷയില്‍ രേഖകള്‍ ലഭ്യമല്ലെന്ന് മറുപടി നല്‍കിയതിന്റെ കോപ്പിയും പരാതിക്കാരന്‍ പരാതിയുടെ കൂടെ സമര്‍പ്പിച്ചിട്ടുണ്ട്.