ഗൂഡല്ലൂര്‍: ഗൂഡല്ലൂരിനടുത്ത നെല്ലിക്കര ഗ്രാമത്തില്‍ കാട്ടാനകള്‍ കൃഷി നശിപ്പിച്ചു. കഴിഞ്ഞ ദിവസം രാത്രിയാണ് കാട്ടാനകള്‍ ഇറങ്ങി നാശംവരുത്തിയത്. പ്രദേശത്തെ ശിവദാസന്റേതടക്കമുള്ള കര്‍ഷകരുടെ രണ്ടുമാസംകൊണ്ട് വെട്ടാന്‍ പാകമായ വാഴകളാണ് നശിപ്പിച്ചത്. കൃഷിസ്ഥലങ്ങള്‍ക്കടുത്ത് തമ്പടിച്ച ആനകളെ കാട്ടിലേക്ക് തുരത്തുവാനും നഷ്ടപ്പെടുത്തിയ വാഴ കൃഷിക്ക് നഷ്ടപരിഹാരം ലഭിക്കുവാന്‍ അധികൃതരുടെ ഭാഗത്ത് നിന്ന് നടപടിയുണ്ടാവണമെന്നാണ് കര്‍ഷകരുടെ ആവശ്യം.