ബദിയടുക്ക: ചരിത്ര പ്രസിദ്ധമായ പെരഡാല ജാറം മഖാം ഉറൂസ് ഈ മാസം അഞ്ചുമുതല്‍ 12 വരെ മത പ്രഭാഷണ പരിപാടികളോടെ പെര്‍ഡാല ജാറം പരിസരത്ത് നടക്കും. അഞ്ചിന് വൈകുന്നേരം 4.30 നു മഖാം സിയാറത്ത് നടക്കും.
രാത്രി 8.30 നു ഉറൂസ് മംഗളൂരു ഖാസി ത്വാഖ അഹമ്മദ് മുസ്്‌ലിയാര്‍ ഉദ്ഘാടനം ചെയ്യും. ജാറം കമ്മിറ്റി പ്രസിഡന്റ് അന്‍വര്‍ ഓസോണ്‍ അധ്യക്ഷനാകും. തുടര്‍ന്നുള്ള ദിവസങ്ങളില്‍ അബ്ദുള്‍ മജീദ് ബാഖവി കൊടുവള്ളി, ബഷീര്‍ ഫൈസി ദേശ മംഗലം, കെ.എസ്.അഹമ്മദ് മുക്താര്‍ തങ്ങള്‍ കുമ്പോല്‍, ഖലീല്‍ ഹുദവി കല്ലായം, നജ്മുദ്ദീന്‍ പൂക്കോയ തങ്ങള്‍ പ്രഭാഷണം നടത്തും. ഉറൂസ് സമാപന ദിവസം ളുഹറ് നിസ്‌കാരത്തിന് ശേഷം മൗലീദും തുടര്‍ന്ന് അന്നദാനവും ഉണ്ടായിരിക്കും.