തിരുവനന്തപുരം: ഇ. അഹമ്മദിന്റെ മൃതദേഹത്തോട് കേന്ദ്ര സര്‍ക്കാര്‍ അനാദരവ് കാണിച്ചെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. മൃതദേഹം ഡല്‍ഹിയിലെ വസതിയില്‍ തന്നെയുള്ളപ്പോള്‍ ബജറ്റ് അവതരണവുമായി മുന്നോട്ടു പോകാന്‍ തീരുമാനിച്ച പ്രധാനമന്ത്രിയും മറ്റു നേതാക്കളും കേരള ജനതയെ അപമാനിച്ചുവെന്ന് കാനം പറഞ്ഞു. മികച്ച പാര്‍ലമെന്റേറിയനെയും ഭരണാധികാരിയെയുമാണ് ഇ. അഹമ്മദിന്റെ നിര്യാണത്തോടെ നഷ്ടമായിരിക്കുന്നതെന്നും അദ്ദേഹം കൂട്ടിച്ചേര്‍ത്തു.
ഇ. അഹമ്മദ് എം.പി. യുടെ നിര്യാണത്തില്‍ മന്ത്രിമാരായ സി രവീന്ദ്രനാഥ്, രാമചന്ദ്രന്‍ കടന്നപ്പളളി, എ.കെ. ബാലന്‍, എ.കെ. ശശീന്ദ്രന്‍ എന്നിവരും അനുശോചിച്ചു.