പട്ടാമ്പി: ഓങ്ങല്ലൂര്‍ പഞ്ചായത്ത് പ്രസിഡന്റായി സി.പി.എമ്മിലെ ജിഷാര്‍ പറമ്പിലിനെ തെരഞ്ഞെടുത്തു. നിലവിലെ പ്രസിഡന്റായിരുന്ന എ.എം നാരായണന്‍ മാസ്റ്റര്‍ രാജി വച്ചതിനെ തുടര്‍ന്നായിരുന്നു പുതിയ പ്രസിഡന്റ് തെരഞ്ഞെടുപ്പ് നടന്നത്. കോണ്‍ഗ്രസിലെ അബൂബക്കര്‍ സിദ്ദീഖായിരുന്നു ജിഷാറിന്റെ എതിരാളി. 14 വോട്ടുകള്‍ നേടിയാണ് ജിഷാര്‍ പറമ്പില്‍ പ്രസിഡന്റ് സ്ഥാനത്തേക്ക് യോഗ്യത നേടിയത്. ബി.ജെ.പി വോട്ടെടുപ്പില്‍നിന്ന് വിട്ടുനിന്നു.
22 മെമ്പര്‍മാരുള്ള പഞ്ചായത്തില്‍ 14 സീറ്റ് എല്‍.ഡി.എഫിനും അഞ്ച് സീറ്റ് യു.ഡി.എഫിനും മൂന്ന് സീറ്റ് ബി.ജെ.പിക്കുമാണ്. തുടങ്ങിവച്ച പ്രവൃത്തികള്‍ പൂര്‍ത്തീകരിച്ച് മുന്നോട്ട് പോകാനുള്ള നടപടികള്‍ സ്വീകരിക്കുമെന്ന് ജിഷാര്‍ പറമ്പില്‍ പറഞ്ഞു.