തളിപ്പറമ്പ് : തളിപ്പറമ്പ് സബ് ആര്‍.ടി.ഓഫിസ് പരിധിയിലുള്ള സ്‌കൂള്‍ വാഹനങ്ങളുടെ പരിശോധന ഇന്നു രാവിലെ പത്തു മുതല്‍ കാഞ്ഞിരങ്ങാട് ആര്‍.ടി.ഒ ടെസ്റ്റ് ഗ്രൗണ്ടില്‍ നടക്കും. ഏപ്രില്‍, മെയ് മാസങ്ങളില്‍ ഫിറ്റനസ് ടെസ്റ്റിന് ഹാജരായവര്‍ വാഹനങ്ങളുടെ രേഖകളും ലൈസന്‍സും ഹാജരാക്കി സര്‍ട്ടിഫിക്കറ്റ് കൈപ്പറ്റണം. മറ്റു വാഹനങ്ങള്‍ അസ്സല്‍ രേഖകള്‍ സഹിതം ഗ്രൗണ്ടില്‍ ഹാജരായി സര്‍ട്ടിഫിക്കറ്റ്  കൈപ്പറ്റണം.
പരിശോധനയ്ക്കു വരുന്ന വാഹനങ്ങള്‍ ട്രാന്‍സ്‌പോര്‍ട്ട് കമ്മിഷണര്‍ നിര്‍ദേശിച്ചിട്ടുള്ള എല്ലാ സുരക്ഷാ ക്രമീകരണങ്ങളും ഒരുക്കണം. അടിയന്തിരഘട്ടത്തില്‍ ഉപയോഗിക്കേണ്ടതായ പൊലിസ്, ഫയര്‍ഫോഴ്‌സ്, മോട്ടോര്‍ വാഹന വകുപ്പ്, ചൈല്‍ഡ്‌ലൈന്‍ തുടങ്ങിയവയുടെ നമ്പര്‍ പ്രദര്‍ശിപ്പിക്കുകയും വേണം. ഡ്രൈവര്‍മാര്‍ക്ക് സ്‌കൂള്‍ വാഹനം ഓടിക്കാന്‍ നിയമം അനുശാസിക്കുന്ന പ്രവര്‍ത്തി പരിചയം ഉണ്ടായിരിക്കണമെന്നും ജോയിന്റ് ആര്‍.ടി ഓഫിസര്‍ ഇ.എസ് ഉണ്ണികൃഷ്ണന്‍ അറിയിച്ചു.