കോഴിക്കോട്: സ്‌പോര്‍ട്‌സ് അതോറിറ്റി ഓഫ് ഇന്ത്യ (സായ്)യുടെ കോഴിക്കോട് കേന്ദ്രത്തിലേക്ക് അത്‌ലറ്റിക്‌സ്, വോളിബോള്‍ വിഭാഗങ്ങളില്‍ താരങ്ങളെ തിരഞ്ഞെടുക്കുന്നു. ഈ മാസം 25ന് രാവിലെ ഒന്‍പത് മണിക്കാണ് തിരഞ്ഞെടുപ്പ്. 1.1.2001ന് ശേഷം ജനിച്ച ആണ്‍കുട്ടികള്‍ക്ക് മാത്രം പങ്കെടുക്കാം.
കോഴിക്കോട് മെഡിക്കല്‍ കോളജ് സിന്തറ്റിക്ക് ട്രാക്കില്‍ വച്ച് അത്‌ലറ്റിക്‌സിന്റേയും ഇന്‍ഡോര്‍ സ്റ്റേഡിയത്തില്‍ വച്ച് വോളിബോളിന്റേയും തിരഞ്ഞെടുപ്പ് നടപടികള്‍ നടക്കും. ദേശീയ, സംസ്ഥാന പോരാട്ടങ്ങളില്‍ പങ്കെടുത്തവര്‍ക്കും ജില്ലാ മത്സരങ്ങളില്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടിയവര്‍ക്കും അത്‌ലറ്റിക്‌സ് വിഭാഗത്തില്‍ പങ്കെടുക്കാം.
വോളിബോളില്‍ കളി അറിയില്ലെങ്കിലും 190 സെ.മീ കൂടുതല്‍ ഉയരം ഉള്ളവര്‍ക്ക് പങ്കെടുക്കാം.
താത്പര്യമുള്ളവര്‍ ജനന തിയതി, കായിക നേട്ടങ്ങള്‍ (ഉണ്ടെങ്കില്‍) എന്നിവയുടെ സര്‍ട്ടിഫിക്കറ്റുകള്‍ (അസ്സല്‍, പകര്‍പ്പ്), പാസ്‌പോര്‍ട്ട് സൈസ് ഫോട്ടോ, മെഡിക്കല്‍ ഫിറ്റ്‌നസ് സര്‍ട്ടിഫിക്കറ്റ് മുതലായവ സഹിതം ഈ മാസം 25ന് രാവിലെ ഒന്‍പത് മണിക്ക് മുന്‍പായി അതാത് കേന്ദ്രങ്ങളില്‍ എത്തണം. കൂടുതല്‍ വിവരങ്ങള്‍ക്ക് 8547965884 (അത്‌ലറ്റിക്‌സ്), 9447016448, 9400035454 (വോളിബോള്‍) നമ്പറുകളില്‍ ബന്ധപ്പെടുക.