ജിദ്ദ: മയക്കുമരുന്ന് കടത്തുമായി ബന്ധപ്പെട്ട് രണ്ട് സഊദികളെയും ഒരു ചൈനീസ് പൗരനെയും സുരക്ഷാ ഉദ്യോഗസ്ഥര്‍ അറസ്റ്റ് ചെയ്തു. ഇവരില്‍ നിന്ന് 23 ലക്ഷം മയക്കുമരുന്ന് ഗുളികകളും പിടികൂടിയിട്ടുണ്ട്.

രാജ്യത്തേക്ക് വന്‍തോതില്‍ മയക്കുമരുന്ന് കടത്തി വില്‍പ്പന നടത്താന്‍ ശ്രമം നടക്കുന്നതായി വിവരം ലഭിച്ചതിന്റെ അടിസ്ഥാനത്തിലാണ് അധികൃതര്‍ പരിശോധന നടത്തിയത്. ശക്തമായ പരിശോധനയ്‌ക്കൊടുവിലാണ് വന്‍തോതില്‍ മയക്കുമരുന്ന് ഒളിപ്പിച്ചിരിക്കുന്ന ശേഖരം കണ്ടെത്തിയത്. ചെമ്പ് പെട്ടികളിലായി സൂക്ഷിച്ചിരിക്കുന്ന നിലയിലാണ് ഇവ കണ്ടെത്തിയത്.