പട്‌ന: മുൻ കേന്ദ്രമന്ത്രി ആർ.സി.പി.സിങ് പാർട്ടിയുമായി ​രം​ഗത്ത്. 'ആപ് സബ്‌കി ആവാസ്' (എഎസ്എ) എന്ന പേരിലാണ് പുതിയ രാഷ്ട്രീയ പാർട്ടി ആർ.സി.പി.സിങ് രൂപീകരിച്ചത്. ജനതാദൾ (യു) വിൻ്റെ മുൻ ദേശീയ അധ്യക്ഷനായിരുന്ന ആർ.സി.പി. സിങ്, ബിഹാർ മുഖ്യമന്ത്രി നിതീഷ് കുമാറുമായി തെറ്റിപ്പിരിഞ്ഞു ബിജെപിയിലേക്ക് ചേക്കേറിയിരുന്നു. നിതീഷ് കുമാർ ബിജെപിയുമായി സഖ്യം പുനഃസ്‌ഥാപിച്ചതോടെ ആർ.സി.പി.സിങിനു ബിജെപിയിലെ നിലനിൽപ്പ് അപകടത്തിലായി. അടുത്ത വർഷം നടക്കാനിരിക്കുന്ന ബിഹാർ നിയമസഭാ തിരഞ്ഞെടുപ്പിൽ ആപ് സബ്കി ആവാസ് മൽസരിക്കുമെന്നും ആർ.സി.പി.സിങ് പ്രഖ്യാപിച്ചു.

മുഖ്യമന്ത്രി നിതീഷ് കുമാറിൻ്റെ വിശ്വസ്‌തനായിരുന്ന ആർ.സി.പി സിങ് അദ്ദേഹത്തിൻ്റെ പ്രിൻസിപ്പൽ സെക്രട്ടറിയായിരുന്നു. സിവിൽ സർവീസിൽ നിന്നു വിരമിച്ച ശേഷമാണു രാഷ്ട്രീയത്തിലേക്ക് രം​ഗപ്രവേശനം നടത്തിയത്. നിതീഷ് കുമാറിനെ പോലെ ബിഹാറിലെ നളന്ദ സ്വദേശിയും കുർമി സമുദായാംഗവുമാണ് ആർ.സി.പി.സിങ്.