റിയാദ് ആഗോള സമ്പദ് വ്യവസ്ഥയിലെ നിര്‍ണായക സ്വാധീനമായി മാറാന്‍ സഊദിക്ക് സാധിച്ചുവെന്ന് സാമ്പത്തിക ആസൂത്രണ മന്ത്രി ഫൈസല്‍ അല്‍ ഇബ്രാഹീം വ്യക്തമാക്കി. ആസൂത്രണത്തിലെ മികവാണ് ഇതിന് കാരണമെന്നും അദ്ദേഹം പറഞ്ഞു.

രാജ്യത്തിന്റെ പുരോഗതി അവസാനിക്കുന്നില്ലെന്നും ഓരോ നേട്ടവും തുടര്‍ നേട്ടത്തിനുള്ള അടിസ്ഥാനമാണെന്നും റിയാദില്‍ നടന്ന ഫ്യൂച്ചര്‍ ഇന്‍വെസ്റ്റ്‌മെന്റ് ഇനീഷ്യേറ്റീവിന്റെ സമാപന സമ്മേളനത്തില്‍ മന്ത്രി പറഞ്ഞു. സഊദിയെ മറ്റുള്ളവരില്‍ നിന്നും വ്യത്യസ്തമാക്കുന്നത് മേഖലയിലെ ഏറ്റവും വലിയ സമ്പദ് വ്യവസ്ഥയാണെന്നതാണ്. സഊദിയുടെ നേട്ടങ്ങള്‍ ആഗോള തലത്തില്‍ അഭീമുഖീകരിക്കുന്ന വെല്ലുവിളികള്‍ക്കുള്ള പരിഹാരമാണ്. കാലങ്ങളായി വെല്ലുവിളികളെ അവസരങ്ങളാക്കി മാറ്റുന്നതില്‍ സഊദിക്ക് നല്ല മാതൃകയാണ് ലോകത്തിന് പങ്കുവെക്കാനുള്ളതെന്നും അദ്ദേഹം പറഞ്ഞു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Faisal Al-Ibrahim, Saudi Minister of Economy and Planning, emphasizes the kingdom's strategic position and significant impact on the global economy, driving growth and stability.