കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഹജ്ജിനു അപേക്ഷ സമര്‍പ്പിക്കാന്‍ ഇനി മൂന്ന് ദിവസം മാത്രം. ഫെബ്രുവരി ആറ്  വരെയാണ്  അപേക്ഷ സമര്‍പ്പിക്കാവുന്നത്. ഇന്നലെ വരെ 72,650 അപേക്ഷകളാണ് ലഭിച്ചത്. ഇവരില്‍ 70 വയസിന് മുകളില്‍ പ്രായമുളളവര്‍ 1532 പേരും, തുടര്‍ച്ചയായ അഞ്ചാം വര്‍ഷക്കാരായി 8567 പേരും അപേക്ഷകരായിട്ടുണ്ട്. ഇവര്‍ക്ക് നേരിട്ട് ഹജ്ജിന് അവസരം ലഭിക്കും. ശേഷിക്കുന്ന അപേക്ഷകരില്‍ നറുക്കെടുപ്പ് നടത്തും. ഹജ്ജ് നറുക്കെടുപ്പ് മാര്‍ച്ച് 14 മുതല്‍ 21 വരെയുളള തിയതികളില്‍ നടക്കും. ഹജ്ജ് ട്രെയിനര്‍മാര്‍ക്കുള്ള  മുംബൈയിലെ  ക്ലാസ് ഏപ്രില്‍ 21 മുതല്‍ 23 വരെ നടക്കും. ഹജ്ജിന് അവസരം ലഭിച്ചവര്‍ മാര്‍ച്ച് 31നകം സമര്‍പ്പിക്കേണ്ട മെഡിക്കല്‍ സര്‍ട്ടിഫിക്കറ്റും, പണമടച്ച പേഇന്‍ സ്ലിപ്പും ഏപ്രില്‍ 13നകം നല്‍കിയാല്‍ മതി.