ന്യൂയോര്‍ക്ക് സിറ്റി: അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ ഉടമസ്ഥതയിലുള്ള ബഹുനില കെട്ടിടത്തില്‍ തീപിടിത്തം. സംഭവത്തില്‍ രണ്ടുപേര്‍ക്ക് പരുക്കേറ്റു. ന്യൂയോര്‍ക്കിലെ മാന്‍ഹാട്ടനിലുള്ള 68 നിലകളുള്ള ട്രംപ് ടവറിലാണു തീപിടിച്ചത്.
തിങ്കളാഴ്ച പ്രാദേശിക സമയം രാവിലെ ഏഴിനായിരുന്നു സംഭവം. കെട്ടിടത്തിന്റെ മുകള്‍നിലയിലാണ് തീപിടിച്ചത്. ഇത് പിന്നീട് മറ്റു ഭാഗങ്ങളിലേക്കും പടരുകയായിരുന്നു. പരുക്കേറ്റവരില്‍ ഒരാളുടെ നില ഗുരുതരമാണ്. മറ്റൊരാള്‍ക്ക് നിസാര പരുക്കുകളാണുള്ളത്. തീ നിയന്ത്രണവിധേയമായതായി ന്യൂയോര്‍ക്ക് അഗ്നിശമന സേനാ വിഭാഗം അറിയിച്ചു.
ഒരുവര്‍ഷം മുന്‍പാണ് ടവര്‍ ഉദ്ഘാടനം ചെയ്തത്. തീപിടിത്തത്തിന്റെ കാരണം ഇതുവരെ വ്യക്തമല്ല. അപകടം നടക്കുമ്പോള്‍ ട്രംപ് വാഷിങ്ടണിലാണുണ്ടായിരുന്നത്.