ലണ്ടന്‍: ആറ് മാസമായി പരുക്കേറ്റ് വിശ്രമിക്കുന്ന മുന്‍ ലോക ഒന്നാം നമ്പര്‍ ടെന്നീസ് താരം ബ്രിട്ടന്റെ ആന്‍ഡി മുറെ ശസ്ത്രക്രിയക്ക് വിധേയനാകും. ഇടുപ്പിനേറ്റ പരുക്കിനാണ് താരം ശസ്ത്രക്രിയ ചെയ്യുന്നത്. പരുക്ക് ഭേദമാകാത്തതിനെ തുടര്‍ന്ന് മുറെ അടുത്ത ആഴ്ച ആരംഭിക്കുന്ന സീസണിലെ ആദ്യ ഗ്രാന്‍ഡ് സ്ലാം പോരാട്ടമായ ആസ്‌ത്രേലിയന്‍ ഓപണില്‍ നിന്ന് പിന്‍മാറിയിരുന്നു. അടുത്ത വിംബിള്‍ഡണ്‍ പോരാട്ടത്തില്‍ തിരിച്ചെത്തുകയാണ് താരം ലക്ഷ്യമിടുന്നത്. കഴിഞ്ഞ സീസണില്‍ അരങ്ങേറിയ വിംബിള്‍ഡണ്‍ ക്വാര്‍ട്ടറില്‍ സാം ക്യുറെയോട് പരാജയപ്പെട്ട് പുറത്തുപോയ ശേഷം മുറെ കളിക്കളത്തില്‍ ഇറങ്ങിയിട്ടില്ല.