ആലുവ: മുസ്‌ലിം ലീഗ് ആലുവ നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ ഇ അഹമ്മദ് അനുസ്മരണ സമ്മേളനം സംഘടിപ്പിച്ചു. രാജ്യസ്‌നേഹപരമായ തീരുമാനങ്ങള്‍ മാത്രം എടുത്ത ഭരണാധികാരിയും നയതന്ത്രജ്ഞനുമായിരുന്നു ഇ അഹമ്മദ് എന്ന് അനുസ്മരണ പ്രഭാഷണത്തില്‍ ആഗോള ഐ.ടി ടെലികമ്യൂണിക്കേഷന്‍ വിദഗ്ധന്‍ ഡോ. ജാവേദ് ഹസന്‍ അഭിപ്രായപ്പെട്ടു.
ഫെഡറല്‍ ബാങ്ക് ഓഫിസേഴ്‌സ് അസോസിയേഷന്‍ ഹാളില്‍ നടന്ന ചടങ്ങില്‍ ടി.എ അഹമ്മദ് കബീര്‍ എം.എല്‍.എ, കെ മുഹമ്മദാലി മുന്‍ എം.എല്‍.എ, ബി.ജെ.പി മണ്ഡലം സെക്രട്ടറി കെ.ജി ഹരിദാസ്, സി.പി.ഐ മണ്ഡലം സെക്രട്ടറി എ ഷംസുദ്ദീന്‍, ബഷീര്‍ ഫൈസി, ജനതാദള്‍ ജില്ലാ വൈസ് പ്രസിഡന്റ് ഡോ. സി.എം മുകുന്ദന്‍, ടി.ബി ഹാഷിം, ജില്ലാ പഞ്ചായത്ത് വൈസ് പ്രസിഡന്റ് ബി.എ അബ്ദുല്‍ മുത്തലിബ്, വി.പി ജോര്‍ജ്, അഡ്വ. വി.കെ ബീരാന്‍, മുഹമ്മദ് ഷിയാസ്, ലത്തീഫ് പുഴിത്തറ, എ.കെ സലീം, എം.കെ.എ ലത്തീഫ്, അഡ്വ. സാജിത സിദ്ദീഖ്, യൂത്ത്‌ലീഗ് ജില്ലാ പ്രസിഡന്റ് അഡ്വ. വി.ഇ അബ്ദുല്‍ ഗഫൂര്‍ എന്നിവര്‍ പങ്കെടുത്തു. മണ്ഡലം പ്രസിഡന്റ് ഉസ്മാന്‍ തോലക്കര അധ്യക്ഷത വഹിച്ചു. ജനറല്‍ സെക്രട്ടറി പി.എ താഹിര്‍ സ്വാഗതം പറഞ്ഞു.
കാക്കനാട് : തൃക്കാക്കരയില്‍ ചേര്‍ന്ന സര്‍വക്ഷി യോഗം മുസ്‌ലിം ലീഗ് ദേശീയ അധ്യക്ഷന്‍ ഇ അഹമ്മദ് എം.പിയുടെ നിര്യണത്തില്‍ അനുശോചിച്ചു. രാജ്യന്തരതലത്തില്‍ ഇന്ത്യയുടെ യശ്ശസുയര്‍ത്തിയ നേതാവായിരുന്നു ഇ.അഹമ്മദ് എന്ന് പി.ടി.തോമസ് എം.എല്‍.എ അനുസ്മരിച്ചു.
കാക്കനാട് ഓണം പാര്‍ക്കില്‍ മുസ്‌ലിം ലീഗ് മുനിസിപ്പല്‍ കമ്മിറ്റി സംഘടിപ്പിച്ച അനുസ്മരണ യോഗത്തില്‍ പ്രസിഡന്റ് പ്രസിഡന്റ് ഹംസ മൂലയില്‍ അധ്യക്ഷതനായി. ടി.എ.അഹമ്മദ് കബീര്‍ എം.എല്‍.എ, ഡോ.സെബാസ്റ്റ്യന്‍ പോള്‍, സി.പി.എം നേതാവ് എം.ഇ. ഹസൈനാര്‍, കോണ്‍ഗ്രസ് ബ്ലോക്ക് പ്രസിന്റ് പി.ഐ മുഹമ്മദലി, കോണ്‍ഗ്രസ് നേതാവ് സേവ്യാര്‍ തായങ്കേരി, സി.പി.ഐ നേതാവ് കെ.കെ.സന്തോഷ് ബാബു, ജനതദള്‍ മണ്ഡലം പ്രസിഡന്റ് കെ.ജെ.സൂധീര്‍, മുസ്ലീം ലീ്ഗ് ജില്ലാ സെക്രട്ടറി പി.കെ.ജലീല്‍, പോള്‍ മേച്ചേരി തുടങ്ങിയവര്‍ പങ്കെടുത്തു.
കളമശേരി: അന്തരിച്ച മുസ്‌ലിം ലീഗ് അഖിലേന്ത്യ പ്രസിഡന്റായിരുന്ന ഇ അഹമദ് എം.പിയുടെ അനുസ്മരണ സമ്മേളനം നടത്തി.
വി കെ ഇബ്രാഹിം കുഞ്ഞ് എം.എല്‍.എ അദ്ധ്യക്ഷനായി. കെ.ചന്ദ്രന്‍ പിള്ള, ഡി.സി.സി പ്രസിഡന്റ് ടി ജെ വിനോദ് ,സിബി മലയില്‍, കാര്‍ട്ടൂണിസ്റ്റ് യേശുദാസ്, റവ ഫാദര്‍ ജേക്കബ്ബ് പാലക്കപിള്ളി, എന്‍ പി ശങ്കരന്‍ കുട്ടി, എ എം യൂസുഫ്, ജോര്‍ജ് ജോസഫ്, എം പി അബ്ദുല്‍ ഖാദര്‍,നഗരസഭ ചെയര്‍പേഴ്‌സന്‍ ജെസി പീറ്റര്‍, ജമാല്‍ മണക്കാടന്‍, പി.വി നാരായണന്‍, എ.ടി.സി കുഞ്ഞുമോന്‍, ഹെന്നി ബേബി തുടങ്ങിയവര്‍ സംസാരിച്ചു. കെ.കെ ജിന്നാസ് അനുശോചന പ്രമേയം അവതരിപ്പിച്ചു.