ഇരിങ്ങാലക്കുട: ഇരിങ്ങാലക്കുട മൂന്നുപീടിക റോഡില്‍ പെരുവല്ലിപ്പാടത്ത് തണ്ണീര്‍ത്തടം വ്യാപകമായി നികത്തുന്നത്ത് സി.പി.ഐ പ്രവര്‍ത്തകര്‍ തടഞ്ഞു. മാസങ്ങള്‍ക്ക് മുന്‍പ് സ്വകാര്യ വ്യക്തി ഈ സ്ഥലം മണ്ണിട്ട് നികത്താന്‍ ശ്രമിച്ചിരുന്നു.
അന്ന് നാട്ടുകാര്‍ തടഞ്ഞതിനെ തുടര്‍ന്ന് ഈ ശ്രമത്തല്‍ നിന്നും പിന്തിരിഞ്ഞിരുന്നു. എന്നാല്‍ കഴിഞ്ഞ ദിവസം വീണ്ടും നികത്താന്‍ ശ്രമിച്ചപ്പോഴാണ് സി.പി.ഐ ലോക്കല്‍ സെക്രട്ടറി കെ .എസ് പ്രസാദ് നഗരസഭാ കൗണ്‍സിലര്‍ എം.സി രമണന്‍ എന്നിവരുടെ നേതൃത്വത്തില്‍ വെള്ളിയാഴ്ച്ച സി.പി.ഐ പ്രവര്‍ത്തകര്‍ ഇവിടെ കൊടി കുത്തിയത്.
സി.പി.ഐ മണ്ഡലം കമ്മിറ്റി അംഗം ബെന്നി വിന്‍സന്റ്, ബ്ലോക്ക് അസിസ്റ്റന്റ് സെക്രട്ടറി ബാബു, ലോക്കല്‍ കമ്മിറ്റി അംഗങ്ങളായ മോഹന്‍ലാല്‍, കെ.ഒ വിന്‍സന്റ്, ടി.വി ലീല, സി.പി ഔസേപ്പ്, വര്‍ദ്ധനന്‍, ടി.വി സുകുമാരന്‍ നേതൃത്വം നല്‍കി.