തൃശൂര്‍: കുട്ടനാടന്‍ തനിമ വിളിച്ചോതി വഞ്ചിപ്പാട്ട്. മത്സരിച്ച 22 സംഘങ്ങളില്‍ 18 പേരും എ ഗ്രേഡ് നേടി. വഞ്ചിപ്പാട്ടില്‍ പെണ്‍പട തന്നെയായിരുന്നു ഏറെ മുന്നില്‍. കേരളീയ തനിമയില്‍ പുടവകളണിഞ്ഞെത്തി നാരിമാര്‍ ആര്‍പ്പു വിളിയും ഉരല്‍കൊണ്ടുള്ള കുത്തും തങ്ങള്‍ക്കും സാധ്യമെന്ന് തെളിയിച്ചു. മിക്ക ടീമുകളും ആറന്മുള ശൈലിയിലാണ് പാടിയത്.

ഫലപ്രഖ്യാപനത്തിനു മശേഷം ഓരോ ടീമുകളും കൂട്ടം കൂടി നിന്ന് സ്വന്തം ജില്ലക്കു വേണ്ടി ആര്‍പ്പു വിളിചിട്ടാണ് പിരിഞ്ഞു പോയത് . മത്സരം കൃത്യ സമയത്തു അവസാനിപ്പിച്ച് സംഘാടക സമിതിയും മികവ് തെളിയിച്ചു.