കൊല്ലം: ഇന്ത്യന്‍ മതേതരത്വത്തിന് പ്രകാശം പരത്തിയ നേതാവിനെയാണ് ഇ .അഹമ്മദിന്റെ നിര്യാണത്തിലൂടെ നഷ്ടമായതെന്ന് സി.വി പത്മരാജന്‍ പറഞ്ഞു. ഭരണ രംഗത്തും പൊതുപ്രവര്‍ത്തന രംഗത്തും ഉജ്ജ്വല വ്യക്തിത്വത്തിന്റെ ഉടമ ആയിരുന്നു അദ്ദേഹം. ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ നടത്തിയ ഇ അഹമ്മദ് അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ഡി .സി .സി പ്രസിഡന്റ് ബിന്ദുകൃഷ്ണ അധ്യക്ഷയായി. കെ.സി രാജന്‍, എ .യൂനുസ്‌കുഞ്ഞ്, എ .ഷാനവാസ്ഖാന്‍, ജി. പ്രതാപവര്‍മ്മ തമ്പാന്‍, ജമീല ഇബ്രാഹിം, എസ് .വിപിനചന്ദ്രന്‍, എസ് .ശ്രീകുമാര്‍, കെ.കെ സുനില്‍കുമാര്‍, ജോര്‍ജ്ജ് ഡി. കാട്ടില്‍, എന്‍ ഉണ്ണികൃഷ്ണന്‍, ജി ജയപ്രകാശ്, ത്രിദീപ് കുമാര്‍, സന്തോഷ് തുപ്പാശ്ശേരി, എം.എം സഞ്ജീവ് കുമാര്‍, കാഞ്ഞിരംവിള അജയകുമാര്‍, കൃഷ്ണവേണി ശര്‍മ്മ, ജോസഫ് കുരുവിള, സുല്‍ഫിക്കര്‍ ഭൂട്ടോ, റഷീദ് എന്നിവര്‍ സംസാരിച്ചു.
അനുശോചിച്ചു
കൊല്ലം: ഇ. അഹമ്മദ് എം.പിയുടെ നിര്യാണത്തില്‍ കേരള കോണ്‍ഗ്രസ് എം. സംസ്ഥാന സെക്രട്ടറി ഈച്ചംവീട്ടില്‍ നയാസ് മുഹമ്മദ് അനുശോചിച്ചു.