സിഡ്‌നി: ഇംഗ്ലണ്ട്, ന്യൂസ്‌ലന്റ് ടീമുകള്‍ പങ്കെടുക്കുന്ന ത്രിരാഷ്ട്ര ടി20 പരമ്പരക്കുള്ള ഓസ്‌ട്രോലിയന്‍ ടീമിന്റെ സഹപരിശീലകനായി റിക്കി പോണ്ടിങ്ങിനെ നിയമിച്ചു.
ഫെബ്രുവരിയിലാണ് പരമ്പരക്ക് തുടക്കമാകുന്നത്. 2020ല്‍ ഓസ്‌ട്രേലിയന്‍ ട്വന്റി 20 ടീമിന്റെ മുഖ്യ പരിശീലകനാകുമെന്ന അഭ്യൂഹങ്ങള്‍ക്കിടെയാണ് പുതിയ സഹപരിശീലക സ്ഥാനം ഏറ്റെടുത്തിരിക്കുന്നത്.
ഇത് രണ്ടാം തവണയാണ് ഓസ്‌ട്രോലിയന്‍ ട്വന്റി 20 ടീമിന്റെ സഹപരീശീലകനായി റിക്കി പോണ്ടിങ്ങ് സ്ഥാനമേല്‍കുന്നത്. ജസ്റ്റിന്‍ ലാംഗര്‍, ജയസണ്‍ ഗില്ലസ്പി എന്നിവര്‍ക്കൊപ്പം ശ്രീലങ്കക്കെതിരെയുള്ള ടൂര്‍ണമെന്റിലായിരുന്നു റിക്കി സഹപരിശീലകനായത്. ഐ. പി. എല്ലില്‍ ഡല്‍ഹിയുടെ പരിശീലകനായും പോണ്ടിങ്ങിനെയാണ് പരിഗണിച്ചിട്ടുള്ളത്.