തിരുവനന്തപുരം: സ്‌കൂളുകള്‍ അടച്ചുപൂട്ടുന്നതിനെതിരെ സുപ്രിംകോടതിയെ സമീപിക്കുമെന്ന് വിദ്യാഭ്യാസമന്ത്രി പ്രൊഫ. സി.രവീന്ദ്രനാഥ്. പാഠപുസ്തകങ്ങള്‍ അടുത്തമാസം പകുതിയോടെ എത്തിക്കുമെന്നും പുസ്തകങ്ങളുടെ 70 ശതമാനം അച്ചടി പൂര്‍ത്തിയായതായും അദ്ദേഹം പറഞ്ഞു. 

സ്‌കൂള്‍ പ്രവേശനത്തിന് അമിത ഫീസ് ഈടാക്കില്ലെന്നും സ്റ്റാഫ് ഫിക്‌സേഷന്‍ പൂര്‍ത്തിയാവുന്നതോടെ അധികം വരുന്ന അധ്യാപകരുടെ എണ്ണം തിട്ടപ്പെടുത്താന്‍ നിര്‍ദ്ദേശം നല്‍കിയിട്ടുണ്ടെന്നും അവരുടെ ശമ്പളം മുടങ്ങുമെന്ന് കാര്യത്തില്‍ ആശങ്ക വേണ്ടെന്നും അദ്ദേഹം പറഞ്ഞു.