മുംബൈ: ദക്ഷിണാഫ്രിക്കന്‍ വനിതാ ടീമിനെതിരായ മൂന്ന് മത്സരങ്ങളടങ്ങിയ ഏകദിന പരമ്പരയ്ക്കുള്ള ഇന്ത്യന്‍ വനിതാ ക്രിക്കറ്റ് ടീമിനെ മിതാലി രാജ് നയിക്കും. ഫെബ്രുവരി അഞ്ച് മുതല്‍ നടക്കുന്ന പരമ്പരയ്ക്കായി 16 അംഗ ടീമിനെയാണ് തിരഞ്ഞെടുത്തത്. ഇന്ത്യന്‍ വനിതാ ടീമിന്റെ ദക്ഷിണാഫ്രിക്കന്‍ പര്യടനത്തിന്റെ ഭാഗമായുള്ള ഏകദിന പരമ്പരയ്ക്ക് പിന്നാലെ അഞ്ച് മത്സരങ്ങളടങ്ങിയ ടി20 പരമ്പരയും ടീം കളിക്കുന്നുണ്ട്. ഇതിനുള്ള സംഘത്തെ പിന്നീട് പ്രഖ്യാപിക്കും.