മീനങ്ങാടി: ജനസേവകരാവുക, പൊരുതുക എന്ന പ്രമേയത്തില്‍ കേരള നോണ്‍ ഗസറ്റഡ് എംപ്ലോയീസ് അസോസിയേഷന്റെ നേതൃത്വത്തില്‍ ഇന്നും നാളെയും മീനങ്ങാടി ഓയിസ്‌ക ഇക്കോ റിസോഴ്‌സ് സെന്ററില്‍ സംസ്ഥാന പഠന ക്യാംപ് നടക്കും. ഇന്ന് ക്യാംപ് എന്‍.സി.പി സംസ്ഥാന പ്രസിഡന്റ് ടി.പി പീതാംബരന്‍ മാസ്റ്റര്‍ ഉദ്ഘാടനം ചെയ്യും.
എന്‍.ജി.ഇ.എ പ്രസിഡന്റ് സി.പി അബൂബക്കര്‍ അധ്യക്ഷനാവും. എന്‍.സി.പി നിയമസഭാ കക്ഷി നേതാവ് എ.കെ ശശീന്ദ്രന്‍ മുഖ്യപ്രഭാഷണം നടത്തും. തിരുവനന്തപുരം തുറമുഖ വകുപ്പ് അഡ്മിനിസ്‌ട്രേറ്റീവ് ഓഫിസര്‍ ജെ ഷൈന്‍, എം പ്രകാശ്, സി.കെ സുരേഷ് കുമാര്‍, ഡോ. പവിത്രന്‍ രയരോത്ത് എന്നിവര്‍ വിവിധ വിഷയങ്ങളില്‍ ക്ലാസെടുക്കും.
നാളെ ഉച്ചക്ക് 12.30ന് എന്‍.സി.പി സംസ്ഥാന ജന.സെക്രട്ടറി ആലിസ് മാത്യു സമാപന സമ്മേളനം ഉദ്ഘാടനം ചെയ്യും.