ചെറുവത്തൂര്‍: സംസ്ഥാന ടെക്‌നിക്കല്‍ ഹൈസ്‌കൂള്‍ കായികമേളയില്‍ നിന്നു ജില്ലയിലെ കായികാധ്യാപകരെ മാറ്റി നിര്‍ത്തിയതായി പരാതി. കണ്ണൂര്‍ സര്‍വകലാശാലയ്ക്കു കീഴിലുള്ള കായികാധ്യാപകരാണ് ഇപ്പോള്‍ മത്സരങ്ങള്‍ നിയന്ത്രിക്കുന്നത്. കഴിഞ്ഞ തവണ ചെറുവത്തൂരില്‍ സംസ്ഥാന ടെക്‌നിക്കല്‍ ഹൈസ്‌കൂള്‍ കായികമേള നടന്നപ്പോള്‍ കണ്ണൂര്‍,കാസര്‍കോട് ജില്ലകളിലെ കായികാധ്യാപകര്‍ കൈമെയ് മറന്നു പ്രയത്‌നിച്ചിരുന്നുവെന്നും ഇത്തവണ പൂര്‍ണമായും തങ്ങളെ ഒഴിവാക്കിയത് ശരിയായില്ലെന്നും കായികാധ്യാപകര്‍ പറയുന്നു. ടെക്‌നിക്കല്‍ ഹൈസ്‌കൂളുകളില്‍ കായികാധ്യാപക തസ്തികയില്ല. അതിനാല്‍ മേളയുടെ നടത്തിപ്പ് മൊത്തത്തില്‍ കണ്ണൂര്‍ സര്‍വകലാശാലയ്ക്കു കീഴിലെ കായികാധ്യാപകരെ ഏല്‍പ്പിക്കുകയായിരുന്നുവത്രേ. ഇതിനായി നിശ്ചിത തുകയും നല്‍കുന്നുണ്ട്.