കിഴിശ്ശേരി: പെരിന്തല്‍മണ്ണ എം.ഇ.എ എന്‍ജിനീയറിങ് കോളജ് കേരളത്തിലെ 65 സ്‌കൂളുകളിലെ 3600 വിദ്യാര്‍ഥികളില്‍ നടത്തിയ 'ജീനിയസ്-18 ക്വിസ്' പ്രോഗ്രാമില്‍ ചുള്ളിക്കോട് ഹയര്‍ സെക്കന്‍ഡറി സ്‌കൂളിലെ ഒന്‍പത് വിദ്യാര്‍ഥികള്‍ ഉന്നതവിജയം കരസ്ഥമാക്കി. ടി ഫെമിനാസ് റിയാസ്, പി മിദ്‌ലാജ് (കൊമേഴ്‌സ്), കെ ശാനശബൂം (സയന്‍സ്), കെ.പി മുഹ്‌സിന, കെ.സി ഇര്‍ഫാന(കൊമേഴ്‌സ് ), കെ.വി ഫസ്‌ന, അന്‍ശിദ് റഹിമാന്‍, കെ റമീസ് മുഹമ്മദ് (സയന്‍സ്), കെ.പി ഹിസാന തസ്‌നീം, (കൊമേഴ്‌സ് ) എന്നിവരാണ് പ്രതിഭകളായി തെരഞ്ഞെടുക്കപ്പെട്ടത്.
സംഘാടക സമിതിയുടെ സര്‍ട്ടിഫിക്കറ്റുകളും ട്രോഫികളും മുതുവല്ലൂര്‍ ഗ്രാമ പഞ്ചായത്ത് വിദ്യഭ്യാസ ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ പി.കെ അബ്ദുല്ല മൗലവി പ്രതിഭകള്‍ക്ക് വിതരണം ചെയ്തു. ഹയര്‍ സെക്കന്‍ഡറിക്കുള്ള പുരസ്‌കാരം സുരേന്ദ്രന്‍ മാഷില്‍ നിന്ന് വൈസ് പ്രന്‍സിപ്പല്‍ അമ്പിളി ടീച്ചര്‍ ഏറ്റുവാങ്ങി. 17 ന് മജീഷ്യന്‍ മുതുകാടിന്റെ സാന്നിധ്യത്തില്‍ നടക്കുന്ന രണ്ടാം ഫെസ്റ്റില്‍ പങ്കെടുക്കുന്നതിനുള്ള അനുമതിപത്രവും ടിക്കറ്റും എന്‍ജിനീയറിങ് കോളജ് പ്രതിനിധികള്‍ വിതരണം ചെയ്തു. പി.ടി.എ പ്രസിഡന്റ് പി.കെ റഷീദ് മുണ്ടംപറമ്പ് അധ്യക്ഷനായി. പ്രില്‍സിപ്പള്‍ എ സുഹ്‌റ, അമ്പിളി, സുരേന്ദ്രന്‍, ഹനീഫ സംസാരിച്ചു.