കൊച്ചി: അണ്ടര്‍ 23 അന്തര്‍ സംസ്ഥാന വനിത ക്രിക്കറ്റിനു കേരളം വേദിയാകും. നാളെ മുതല്‍ 14 വരെയാണു ടൂര്‍ണമെന്റ്. ആലപ്പുഴ എസ്.ഡി. കോളജ് ഗ്രൗണ്ട്, എറണാകുളം ജില്ലയിലെ സെന്റ്. പോള്‍സ് കോളജ്, രാജഗിരി കോളജ് മൈതാനങ്ങളും മത്സരത്തിനു വേദിയാകും.
ടൂര്‍ണമെന്റിനുള്ള കേരള ടീമിനെ പ്രഖ്യാപിച്ചു. ടീമിനെ സജ്‌ന എസ് നയിക്കും. കീര്‍ത്തി കെ ജെയിംസാണ് വൈസ് ക്യാപ്റ്റന്‍. കേരളം ആദ്യ മത്സരത്തില്‍ ആന്ധ്രയുമായി ഏറ്റുമുട്ടും. നാളെ രാജഗിരി കോളജ് ഗ്രൗണ്ടിലാണു പോരാട്ടം.

കേരള ടീം: സജ്‌ന എസ് (ക്യാപ്റ്റന്‍), കീര്‍ത്തി കെ ജെയിംസ്, അഞ്ജന പോള്‍, മിന്നു മാണി, അക്ഷയ എ, ജയലക്ഷ്മി ദേവ്, അശ്വതി ബാബു, ഫാറ ഷിറിന്‍, മൃദുല വി എസ്, അനീന മാത്യൂസ്, കാവ്യ കെ, ദിവ്യ ഗണേശ്, ആദിത്യ ബാലകൃഷ്ണന്‍, ജിലു ജോര്‍ജ്ജ്, ആരതി ജയപാല്‍.
റിസര്‍വ്‌സ്- അലീന സുരേന്ദ്രന്‍, അന്‍സു സുനില്‍, അജിതാ ജോസഫ്, ദൃഷ്ണ എന്‍.കെ, റോഷ്‌നി സെബാസ്റ്റ്യന്‍.
ഹെഡ്ഡ് കോച്ച്- റോബിന്‍ മേനോന്‍, കോച്ച്- അനു അശോക്, ഫിസിയോതെറാപ്പിസ്റ്റ്- അഗിത ജോസ്.