HOME
DETAILS

സ്‌കൂള്‍ ബസ് ഡ്രൈവര്‍മാര്‍ക്ക് പരിശീലനം

  
backup
May 28 2016 | 21:05 PM

%e0%b4%b8%e0%b5%8d%e2%80%8c%e0%b4%95%e0%b5%82%e0%b4%b3%e0%b5%8d%e2%80%8d-%e0%b4%ac%e0%b4%b8%e0%b5%8d-%e0%b4%a1%e0%b5%8d%e0%b4%b0%e0%b5%88%e0%b4%b5%e0%b4%b0%e0%b5%8d%e2%80%8d%e0%b4%ae%e0%b4%be%e0%b4%b0

ആലുവ: വിദ്യാര്‍ഥികളുട യാത്രാസുരക്ഷ ഉറപ്പാക്കാന്‍ സ്‌കൂള്‍ വാഹനങ്ങളുടെ ഡ്രൈവര്‍മാര്‍ക്കായി സുരക്ഷിത ഡ്രൈവിങ് ബോധവല്‍ക്കരണ ശില്‍പശാല സംഘടിപ്പിച്ചു. കേരള മോട്ടോര്‍ വാഹന വകുപ്പിന്റെയും എസ്.സി.എം.എസ് ഗ്രൂപ്പ് ഓഫ് എഡ്യുക്കേഷണല്‍ ഇന്‍സ്റ്റിറ്റിയൂഷന്റെയും സംയുക്താഭിമുഖ്യത്തില്‍ നടത്തിയ ക്യാംപില്‍ ആലുവ മേഖലയില്‍ നിന്നും 200-ഓളം ഡ്രൈവര്‍മാര്‍ പങ്കെടുത്തു.
കളമശ്ശേരിയിലെ എസ്.സി.എം.എസ് ക്യാംപസില്‍ സംഘടിപ്പിച്ച ക്യാംപില്‍ ഡെപ്യൂട്ടി ട്രാന്‍സ്‌പോര്‍ട്ട് കമ്മിഷണര്‍ കെ.ജി. സാമുവല്‍ മുഖ്യാതിഥിയായിരുന്നു. ആലുവ ജോയിന്റ് ആര്‍.ടി.ഒ. ജോജി പി. ജോസ്, എസ്.സി.എം.എസ്. ഗ്രൂപ്പ് പബ്ലിക് റിലേഷന്‍സ് മാനേജര്‍ സനല്‍ പോറ്റി എന്നിവര്‍ സംസാരിച്ചു. തുടര്‍ന്ന് വാഹനങ്ങളുടെ ഫിറ്റ്‌നസിനെക്കുറിച്ച് എസ്.സി.എം.എസ്. എന്‍ജിനീയറിംഗ് കോളജിലെ ഓട്ടോ മൊബൈല്‍ വിഭാഗം ഫാക്കല്‍റ്റി പ്രൊഫ. മനോജ്കുമാര്‍ ബി. ക്ലാസ്സെടുത്തു.
മൂവാറ്റുപുഴ ജോയിന്റ് ആര്‍.ടി.ഒ. ആദര്‍ശ് കുമാര്‍ ജി. നായര്‍ സുരക്ഷ ഉറപ്പാക്കുവാന്‍ വേണ്ട മാര്‍ഗ്ഗങ്ങള്‍, അതിനായി അറിഞ്ഞിരിക്കേണ്ട അറിവുകള്‍ തുടങ്ങിയ വിഷയങ്ങളില്‍ ഡ്രൈവര്‍മാരുമായി സംവദിച്ചു. ആസ്റ്റര്‍ മെഡിസിറ്റിയും, ഏഞ്ചല്‍സ് അസാപും എമെര്‍ജന്‍സി കെയര്‍ യൂനിറ്റിലെ ഇര്‍ഷാദ് അലിയുടെ നേതൃത്വത്തില്‍ പ്രാഥമിക ചികിത്സകളെക്കുറിച്ച് വിശദീകരിച്ചു. മോട്ടോര്‍ എം.വി.ഐ.മാരായ കെ.പി. ഷിബു, സിബിമോന്‍ ഉണ്ണി എന്നിവര്‍ ശില്‍പശാലക്ക് നേതൃത്വം നല്‍കി. ഡ്രൈവര്‍മാര്‍ക്കുള്ള സര്‍ട്ടിഫിക്കറ്റുകള്‍ എസ്.സി.എം.എസ്. പ്രൊഫ. രാജഗോപാല്‍ വിതരണം ചെയ്തു.





Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."