കുന്നംകുളം: തിപ്പലശ്ശേരിയിലെ കോഴി ഫാമില്‍ നിന്നും ഓമിനി കാറും, പമ്പ് സെറ്റുകളും മോഷ്ടിച്ച കേസിലെ പ്രതികളെ കുന്നംകുളം പൊലിസ് അറസ്റ്റ് ചെയ്തു. പൊന്നാനി സ്വദേശികളായ മാറാപ്പിന്റെ വീട്ടില്‍ അന്‍സാര്‍(25). തരീക്കന്റകത്ത്് ഷഫീഖ്(26). ഈറോഡ് സ്വദേശി ശരവണന്‍(22) എന്നിവരാണ് പിടിയിലായത്. ജനുവരി 17 നായിരുന്നു മോഷണം നടന്നത്. തിപ്പലശ്ശേരിയിലെ പെങ്ങാമുക്ക് സ്വദേശി ജിജിയുടെ ഉടമസ്ഥതയിലുള്ള കോഴിഫാമില്‍ നിന്നും ഓമിനി കാര്‍. 11. 5 കുതിരശക്തിയുള്ള പമ്പ് സെറ്റുകള്‍, വാച്ച്, 2000 രൂപ എന്നിവ കവര്‍ന്ന കേസിലാണ് ഇവരെ പിടികൂടിയത്. ഫാമിലെ ജോലിക്കാരനായ ശരവണന്റെ സഹയാത്തോടെ ഇയാളുടെ സുഹൃത്തുക്കളായ മറ്റു രണ്ട് പേരും മുന്‍പ് നടത്തിയ ആസൂത്രണഫലമായാണ് മോഷണം നടത്തിയത്. മുന്‍പ് ഒരു ദിവസം ഫാമിലെത്തി സാധനങ്ങള്‍ എന്തൊക്കെയാണെന്ന് നിരീക്ഷിച്ചറിഞ്ഞതിന് ശേഷം രാത്രിയിലെത്തി കടത്തി കൊണ്ടുപോവുകയായിരുന്നു.
ശരവണനെ ഈറോഡ് നിന്നും മറ്റു രണ്ട് പേരെ പൊന്നാനിയില്‍ നിന്നുമാണ് പിടികൂടിയത്. കാറുള്‍പടേയുള്ള മോഷണ വസ്തുക്കള്‍ ഇവരില്‍നിന്നും കണ്ടെടുത്തു.എ.എസ്.ഐ ജോയ്.സി.പി.ഒ മാരായ ആരിഫ്, സജീവ്, സുമേഷ്, എന്നിവരടങ്ങുന്ന സംഘമാണ് പ്രതികളെ പിടികൂടിയത്.