HOME
DETAILS

കണ്ണൂര്‍ വിമാനത്താവളത്തെ ട്രാന്‍സിസ്റ്റ് കേന്ദ്രമാക്കും: ഇ.പി ജയരാജന്‍

  
backup
May 28 2016 | 21:05 PM

%e0%b4%95%e0%b4%a3%e0%b5%8d%e0%b4%a3%e0%b5%82%e0%b4%b0%e0%b5%8d%e2%80%8d-%e0%b4%b5%e0%b4%bf%e0%b4%ae%e0%b4%be%e0%b4%a8%e0%b4%a4%e0%b5%8d%e0%b4%a4%e0%b4%be%e0%b4%b5%e0%b4%b3%e0%b4%a4%e0%b5%8d%e0%b4%a4

കണ്ണൂര്‍: പ്രവൃത്തി പൂര്‍ത്തിയാക്കി കണ്ണൂര്‍ രാജ്യാന്തര വിമാനത്താവളം ഉടന്‍ തുറന്നുകൊടുക്കുമെന്നു മന്ത്രി ഇ.പി ജയരാജന്‍. പശ്ചിമേഷ്യന്‍ രാജ്യങ്ങളില്‍ നിന്നുള്ള ട്രാന്‍സിസ്റ്റ് കേന്ദ്രമായി കണ്ണൂര്‍ വിമാനത്താവളത്തെ മാറ്റുമെന്നും അദ്ദേഹം പ്രസ്‌ക്ലബിന്റെ മുഖാമുഖം പരിപാടിയില്‍ പറഞ്ഞു. റണ്‍വേ വികസനത്തിനു കൂടുതല്‍ സ്ഥലം ഏറ്റെടുക്കേണ്ട ആവശ്യമില്ല. വിമാനത്താവള പ്രവൃത്തിക്കായി തയാറാക്കിയ പ്രൊജക്ട് റിപ്പോര്‍ട്ടില്‍ റണ്‍വേ വിസ്തൃതി 3950 മീറ്ററാണ്. നാലുകിലോമീറ്റര്‍ നീളത്തിലാണു റണ്‍വേ പൂര്‍ത്തിയാക്കുക. വിമാനത്താവളത്തെ പൊളിക്കാനുള്ള പ്രചാരവേലയുടെ ഭാഗമായിരുന്നു റണ്‍വേ വിസ്തൃതിയുടെ കാര്യത്തിലുള്ള ആശയക്കുഴപ്പം. വിമാനത്താവളത്തോടൊപ്പം എട്ടു അനുബന്ധ റോഡുകളുടെ വികസനവും നടക്കേണ്ടതുണ്ട്. ഇതൊന്നും എങ്ങുമെത്തിയിട്ടില്ല. വിമാനത്താവള പരീക്ഷണ പറക്കലിന്റെ പേരില്‍ മുന്‍ മുഖ്യമന്ത്രി ആഭാസമാണു നടത്തിയത്. ഐ.ടി, സൈബര്‍ പാര്‍ക്കുകളുടെ പ്രവര്‍ത്തനങ്ങളും വേഗത്തിലാവേണ്ടതുണ്ട്. വൈതല്‍മല പോലെ വിനോദസഞ്ചാര വികസനത്തിനു സാധ്യതയുള്ളതാണു മാലൂരിലെ പുരളിമല. അഴീക്കല്‍ഫെറി വികസനവും നടത്തേണ്ടതുണ്ടെന്നും ഇ.പി ജയരാജന്‍ വ്യക്തമാക്കി. തൊഴിലാളികളുടെ താല്‍പര്യത്തിനു വിരുദ്ധമാവാതെ ദിനേശ്ബീഡി വ്യവസായം സംരക്ഷിക്കും. ജനങ്ങള്‍ക്കു നല്‍കിയ വാഗ്ദാനങ്ങളുമായി സര്‍ക്കാര്‍ മുന്നോട്ടുപോകും. അഴിമതിരഹിത സുതാര്യ പ്രവര്‍ത്തനങ്ങളിലൂടെ സര്‍ക്കാര്‍ മുന്നോട്ടുപോകുമെന്നും ഇ.പി ജയരാജന്‍ പറഞ്ഞു. പ്രസ്‌ക്ലബ് പ്രസിഡന്റ് കെ.ടി ശശി അധ്യക്ഷനായി. സെക്രട്ടറി എന്‍.പി.സി രംജിത്, ജോയിന്റ് സെക്രട്ടറി സി.വി സാജു സംസാരിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."