HOME
DETAILS

കഴിഞ്ഞ വര്‍ഷം വിമാന യാത്ര നടത്തിയവര്‍ 141 ദശലക്ഷം

  
backup
January 15 2018 | 02:01 AM

%e0%b4%95%e0%b4%b4%e0%b4%bf%e0%b4%9e%e0%b5%8d%e0%b4%9e-%e0%b4%b5%e0%b4%b0%e0%b5%8d%e2%80%8d%e0%b4%b7%e0%b4%82-%e0%b4%b5%e0%b4%bf%e0%b4%ae%e0%b4%be%e0%b4%a8-%e0%b4%af%e0%b4%be%e0%b4%a4%e0%b5%8d


കൊച്ചി : കഴിഞ്ഞ വര്‍ഷം വിമാനയാത്ര നടത്തിയവരുടെ എണ്ണം 141 ദശലക്ഷം. 20 വര്‍ഷത്തിനുശേഷം 2036-ല്‍ ഇത് 337 ദശലക്ഷമായി ഉയരുമെന്ന് സിറ്റ പാസഞ്ചര്‍ ഐടി ട്രെന്‍ഡ്‌സ് സര്‍വേ വ്യക്തമാക്കുന്നു. ഇന്ത്യയിലെ വിമാനയാത്രക്കാരില്‍ ഭൂരിഭാഗവും മൊബൈല്‍ സാങ്കേതികവിദ്യ ഉപയോഗിക്കുന്നവരോ അതില്‍ തല്‍പരരോ ആണ്. 54 ശതമാനം യാത്രികര്‍ക്കും, എയര്‍ലൈന്‍ ചെക്ക്-ഇന്‍ കൗണ്ടറുകളേക്കാള്‍ സെല്‍ഫ് - ബാഗ് ഡ്രോപ് ആണ് താല്‍പര്യം. ആഗോളതലത്തില്‍ ഇത് 33 ശതമാനം മാത്രമാണ്. മൊബൈലില്‍ ഫ്‌ളൈറ്റ് അപ്‌ഡേറ്റ് ചെയ്യുന്നവരുടെ എണ്ണം 83 ശതമാനം ആണ്. ബാഗേജ് തെറ്റായി കൈകാര്യം ചെയ്തതില്‍ മൊബൈല്‍ വഴി പരാതിപ്പെട്ടവരുടെ 82 ശതമാനവും മൊബൈലില്‍ ബാഗേജ് ട്രാക്കു ചെയ്തവരുടെ എണ്ണം 79 ശതമാനവും ആണ്.
2016-ലെ കണക്കനുസരിച്ച് ഒരു ബില്യണിലേറെ ഇന്ത്യക്കാര്‍ കുറഞ്ഞത് ഒരു ഫോണെങ്കിലും ഉപയോഗിക്കുന്നവരാണ്. അതില്‍ തന്നെ 300 ദശലക്ഷം പേര്‍ സ്മാര്‍ട്ട് ഫോണ്‍ ഉടമകളാണ്. ബയോമെട്രിക്‌സിന്റെ ഉപയോഗം ആണ് മറ്റൊന്ന്. ഇന്ത്യയുടെ ദേശീയ ബയോമെട്രിക് ഐഡന്റിറ്റി സംവിധാനം ലോകത്തിലെ തന്നെ ഏറ്റവും വലുതാണ്. 100 കോടിയിലേറെ ഇന്ത്യാക്കാരാണ് ഇതില്‍ എന്റോള്‍ ചെയ്തിട്ടുള്ളത്.
പാസ്‌പോര്‍ട്ടിനു പകരം ബയോമെട്രിക്‌സ് ഉപയോഗിക്കാന്‍ 70 ശതമാനം യാത്രക്കാരും താല്‍പര്യം പ്രകടിപ്പിച്ചു. ഇതിന്റെ ആഗോള ശരാശരി 57 ശതമാനം ആണ്: ഏഴ് ഇന്ത്യന്‍ വിമാനത്താവളങ്ങളിലെ 71 ശതമാനം യാത്രക്കാര്‍ സര്‍വേയില്‍ പങ്കെടുത്തു. വിമാനകമ്പനികള്‍, വിമാനങ്ങള്‍, വിമാനതാവളങ്ങള്‍ എന്നിവയ്ക്കുള്ള വാര്‍ത്താവിനിമയ വിവരസാങ്കേതികവിദ്യ സേവന ദാതാക്കളാണ് സിറ്റ.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."