പൂനെ: 62ാമത് ദേശീയ സബ് ജൂനിയര്‍ സ്‌കൂള്‍ അത്‌ലറ്റിക്ക് ചാംപ്യന്‍ഷിപ്പില്‍ കേരളത്തിനു നിറം മങ്ങിയ തുടക്കം. 12 ഫൈനലുകള്‍ നടന്ന ഇന്നലെ ഒരു സ്വര്‍ണവും ഒരു വെങ്കലവുമാണു കേരളത്തിന്റെ സമ്പാദ്യം.
ആണ്‍കുട്ടികളുടെ 80 മീറ്റര്‍ ഹര്‍ഡില്‍സില്‍ കേതമംഗലം സെന്റ് ജോര്‍ജ് സ്‌കൂളിലെ വാരിഷ് ബോഗിമയൂം 11.01 സെക്കന്‍ഡില്‍ സ്വര്‍ണം നേടി. പെണ്‍കുട്ടികളുടെ 4-100 റിലേയിലാണ് ഏക വെങ്കല നേട്ടം. മെഡല്‍ പട്ടികയില്‍ കേരളം ഏറെ പിന്നിലാണ്. കേരളം ചാംപ്യന്‍ഷിപ്പില്‍ ആദ്യ സ്ഥാനങ്ങളില്‍ ഇടം പിടിക്കാന്‍ സാധ്യതയില്ല.
ആറു സ്വര്‍ണവും നാലു വെള്ളിയും രണ്ടു വെങ്കലവുമായി ആതിഥേയരായ മഹാരാഷ്ട്രയാണ് ഒന്നാമത്. രണ്ടു സ്വര്‍ണവും ഒരു വെള്ളിയുമായി ഒഡിഷയാണ് രണ്ടാം സ്ഥാനത്ത്. മീറ്റിനു ഇന്ന് കൊടിയിറങ്ങും.