HOME
DETAILS

ഉപയോഗശൂന്യമായ കിണറുകള്‍ അപകടം ഉണ്ടാക്കുമെന്ന് അഗ്നിശമനസേന

  
backup
May 28 2016 | 22:05 PM

%e0%b4%89%e0%b4%aa%e0%b4%af%e0%b5%8b%e0%b4%97%e0%b4%b6%e0%b5%82%e0%b4%a8%e0%b5%8d%e0%b4%af%e0%b4%ae%e0%b4%be%e0%b4%af-%e0%b4%95%e0%b4%bf%e0%b4%a3%e0%b4%b1%e0%b5%81%e0%b4%95%e0%b4%b3%e0%b5%8d%e2%80%8d

പാലക്കാട്: ഉപയോഗശൂന്യമായ കിണറുകളും കാലങ്ങളായി വൃത്തിയാക്കാതെ കിടക്കുന്ന കിണറുകളും അപകടകാരികളെന്ന് അഗ്‌നിശമന സേന. ഇത്തരം കിണറുകളില്‍ വായുസഞ്ചാരം കുറയുന്നതും വിഷവായു ഉറഞ്ഞുകൂടുന്നതുമാണ് പ്രശ്‌നം. ഇത്തരം കിണറുകള്‍ വൃത്തിയാക്കാനിറങ്ങുമ്പോള്‍ സൂക്ഷിച്ചില്ലെങ്കില്‍ മരണത്തിനുവരെ കാരണമാകാം. ജനുവരി ഒന്നുമുതല്‍ ഏപ്രില്‍ 13വരെയായി 19 പേരാണ് ജില്ലയില്‍ ഇത്തരത്തില്‍ മരിച്ചത്.
30 വിളികളാണ് ജില്ലയിലെ അഗ്‌നിശമനസേന കാര്യാലയങ്ങളിലേക്ക് വന്നത്. ഇതില്‍ 19 പേര്‍ മരിച്ചു. എന്നാല്‍, 11പേരെ രക്ഷിച്ചു. വളരെക്കാലമായി ഉപയോഗിക്കാതെ കിടക്കുന്ന കിണറുകളില്‍ വായുസഞ്ചാരം കുറവായിരിക്കുമെന്നാണ് അഗ്നിശമനസേനക്കാര്‍ പറയുന്നത്. മാത്രമല്ല, ഇവയില്‍ വിഷവായു  ഉണ്ടാവാനും സാധ്യതയുണ്ട്. ഉപയോഗശൂന്യമായ കിണറുകളിലും മോട്ടോര്‍ ഉപയോഗിച്ച് വെള്ളമെടുക്കുന്ന കിണറുകളിലും ശുദ്ധവായുവിന്റെ അളവ് തീരെ കുറവായിരിക്കുമെന്ന്  അഗ്‌നിശമനസേനാ ഉദ്യോഗസ്ഥര്‍ പറയുന്നു. ഇത് മനസ്സിലാക്കാതെ കിണറ്റില്‍ ഇറങ്ങുന്നവരാണ് പലപ്പോഴും അപകടത്തില്‍പ്പെടുന്നത്.
കിണറ്റില്‍ ഓക്‌സിജന്‍  ഉണ്ടെന്ന് ഉറപ്പുവരുത്തിയശേഷമേ കിണറ്റിലിറങ്ങാവൂ. ഇതിനായി തുണിയിലോ മറ്റോ തീ കത്തിച്ച് കയറില്‍കെട്ടി കിണറ്റിലേക്കിറക്കി നോക്കണം. വായുസഞ്ചാരമില്ലെങ്കില്‍ കിണറ്റിലെ തീയണയും. തീ അണയുകയാണെങ്കില്‍ നിറയെ ഇലകളുള്ള വേപ്പിന്റെയോ മറ്റോ ചില്ലകള്‍ കിണറ്റിലിറക്കി വീശാം. നിരവധിതവണ ഇങ്ങനെ വീശുമ്പോള്‍  വായുസഞ്ചാരമുണ്ടാകും. ഇതിനുശേഷം വീണ്ടും തീ കത്തിച്ചുനോക്കി വായുസഞ്ചാരം ഉറപ്പുവരുത്തിമാത്രമേ കിണറ്റില്‍ ഇറങ്ങാവൂ. ഡീസല്‍ മോട്ടോര്‍ ഉപയോഗിച്ച് വെള്ളം  പമ്പുചെയ്യുന്ന സംവിധാനമുണ്ട്. ഇവ ക്ക് ഭാരം കൂടിയതിനാല്‍ കിണറ്റിലേക്ക് മറിഞ്ഞുവീണ് പുകനിറയാന്‍ സാധ്യതയുണ്ട്. ഈ സാഹചര്യത്തില്‍ മോട്ടോര്‍ എടുക്കാന്‍  കിണറ്റിലിറങ്ങി മണ്ണാര്‍ക്കാട്ട് നാലുപേര്‍ മരിച്ചിരുന്നു.  കാലങ്ങളായി ഉപയോഗശൂന്യമായിക്കിടക്കുന്ന കിണറുകളിലിറങ്ങുമ്പോള്‍ ശ്രദ്ധിക്കണം.
ഇവയില്‍ ഏതെങ്കിലും  ജീവികള്‍ വീണ് അഴുകിയ മാലിന്യമുണ്ടാകാന്‍ സാധ്യതയുണ്ട്. മോട്ടോര്‍ ഉണ്ടെങ്കില്‍ അവയിലെ തുരുമ്പും വെള്ളവുമായുള്ള സമ്പര്‍ക്കവും വിഷവായു ഉണ്ടാക്കും. വായവട്ടം കൂടിയ കിണറുകള്‍ക്ക് വായുവട്ടം  കുറഞ്ഞവയേക്കാള്‍ വായുസഞ്ചാരമുണ്ടാകും കുഴിച്ച് വെള്ളമില്ലാത്ത കിണറുകള്‍ താത്കാലികമായി മൂടിവെക്കുന്നതും ആള്‍മറയില്ലാത്തതും അപകടങ്ങള്‍ക്കിടയാക്കുമെന്നാണ് അഗ്നിശമന സേനയുടെ അധികൃതര്‍ പറയുന്നത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."