ബാലറ്റിനെ ഭയപ്പെടുന്നുവെന്ന് മായാവതിലഖ്‌നൗ: ഇലക്ട്രിക് വോട്ടിങ് മെഷിനിന്റെ ( ഇ.വി.എം) സുതാര്യതയില്‍ വീണ്ടും സംശയം പ്രകടിപ്പിച്ച് ബി.എസ്.പി നേതാവ് മായാവതി. പേപ്പര്‍ ബാലറ്റിലൂടെ തെരഞ്ഞെടുപ്പ് നടത്തുന്നതിനെ എന്തുകൊണ്ടാണ് ബി.ജെ.പി ഭയപ്പെടുന്നതെന്ന് അവര്‍ ചോദിച്ചു. ഇ.വി.എം സംബന്ധിച്ച് വ്യത്യസ്ത കോണുകളില്‍ നിന്ന് ഉയര്‍ന്ന സംശയങ്ങള്‍ ഇലക്ഷന്‍ കമ്മിഷണര്‍ ഗൗരവമായി പരിഗണിക്കണം. ബി.ജെ.പിക്കാര്‍ സത്യസന്ധരാണെങ്കില്‍ ഇനിയുള്ള തെരഞ്ഞെടുപ്പുകളില്‍ പേപ്പര്‍ ബാലറ്റ് ഉപയോഗിക്കുന്നതില്‍ ഭയപ്പെടുന്നത് എന്തിനാണെന്ന് മായാവതി ചോദിച്ചു.