കൊച്ചി: രാജ്യാന്തര പ്രശസ്തമായ ഫുട്‌സാല്‍ ടൂര്‍ണമെന്റ് നെയ്മര്‍ ജൂനിയേഴ്‌സ് ഫൈവ് ഓണ്‍ - ഫൈവ് സിറ്റി യോഗ്യതാ മത്സരങ്ങള്‍ക്ക് തുടക്കമായി. കൊച്ചി ഉള്‍പ്പെടെ 14 നഗരങ്ങളിലാണ് ഫുട്‌സാല്‍ അരങ്ങേറുക. കൊച്ചിയിലെ മത്സരങ്ങള്‍ ഫെബ്രുവരി 10, 11 തിയതികളിലാണ്. എനര്‍ജി ഡ്രിങ്ക് ആയ റെഡ്ബുളാണ് സംഘാടകര്‍. നഗരങ്ങളില്‍ നിന്ന് വിജയിക്കുന്ന ടീമുകള്‍ മാര്‍ച്ചില്‍ നടക്കുന്ന ഫൈനലില്‍ മാറ്റുരയ്ക്കും. ഫൈനലില്‍ വിജയിക്കുന്ന ടീമിന് ജൂലൈയില്‍ ബ്രസീലില്‍ നടക്കുന്ന നെയ്മര്‍ ജൂനിയേഴ്‌സ് ആഗോള ഫൈനലില്‍ മത്സരിക്കാന്‍ അവസരം ലഭിക്കും.
മത്സര വേദികളുടേയും ടീമുകളുടേയും അടിസ്ഥാനത്തില്‍ ഇന്ത്യയിലെ ഏറ്റവും വലിയ ഫുട്‌സാല്‍ ടൂര്‍ണമെന്റാണിത്. 16-25 പ്രായപരിധിയുള്ളവരായിരിക്കണം ടീമംഗങ്ങള്‍. രണ്ട് പേര്‍ 25 വയസിന് മുകളിലുള്ളവരും ആയിരിക്കണം.
റൊമാനിയ ആണ് നിലവിലുള്ള ജേതാക്കള്‍. ഇന്ത്യയിലെ 12 നഗരങ്ങളില്‍ നിന്നുള്ള 2000 ടീമുകള്‍ പങ്കെടുത്ത 2017ലെ ഫൈനലില്‍ ഹൈദരാബാദ് സ്‌പോര്‍ട്ടിങ് എഫ്.സിയാണ് ദേശീയ ചാംപ്യന്മാരായത്. ടീം, ബ്രസീലിലെ ലോക ഫൈനലില്‍ പങ്കെടുക്കുകയും ചെയ്തു. രജിസ്‌ട്രേഷനും വേേു:െംംം.ില്യാമൃഷൃളെശ്‌ല.രീാ, +91 98202664262.