ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ മോശം ഫോമിലുള്ള സ്റ്റോക് സിറ്റി പോള്‍ ലാംബര്‍ടിനെ പുതിയ കോച്ചായി നിയമിച്ചു.
അഞ്ച് വര്‍ഷം ടീമിന്റെ കോച്ചായി നിന്ന മാര്‍ക് ഹ്യൂസിനെ പുറത്താക്കിയാണ് സ്റ്റോക് സിറ്റി പോള്‍ ലാംബര്‍ടിനെ പരിശീലകനാക്കിയത്. രണ്ടര വര്‍ഷ കരാറിലാണ് സ്‌കോട്ടിഷുകാരനായ പോള്‍ ടീമിന്റെ ചുമതല ഏറ്റെടുക്കുന്നത്. നേരത്തെ ആസ്റ്റണ്‍ വില്ല, നോര്‍വിച് സിറ്റി ടീമുകളേയും 48 കാരനായ പോള്‍ പരിശീലിപ്പിച്ചിട്ടുണ്ട്. 22 കളികളില്‍ നിന്ന് 20 പോയിന്റുമായി സ്റ്റോക് സിറ്റി പോയിന്റ് പട്ടികയില്‍ 18ാം സ്ഥാനത്ത്. ടീം നിലവില്‍ തരംതാഴ്ത്തല്‍ ഭീഷണിയിലാണ്.