റിയാദ്: സഊദി ദേശീയ ഉത്സവമായ ജനാദ്‌രിയ ഫെസ്റ്റിവലിന്റെ ഭാഗമായി സംഘടിപ്പിച്ച പരമ്പരാഗത നൃത്തരൂപമായ അര്‍ദയില്‍ തിരുഗേഹങ്ങളുടെ സേവകന്‍ സല്‍മാന്‍ രാജാവ് സംബന്ധിച്ചു.

ദര്‍ഇയയിലെ സ്‌പോര്‍ട്‌സ് കോംപ്ലക്‌സിലെത്തിയ രാജാവിനെ റിയാദ് ഗവര്‍ണര്‍ ഫൈസല്‍ ബിന്‍ ബന്ദര്‍ രാജകുമാരന്‍, നാഷണല്‍ ഗാര്‍ഡ് മന്ത്രി മിത്അബ് ബിന്‍ അബ്ദുല്ല രാജകുമാരന്‍, കിരീടാവകാശിയും ആഭ്യന്തര മന്ത്രിയുമായ മുഹമ്മദ് ബിന്‍ നായിഫ് രാജകുമാരന്‍, സ്‌പോര്‍ട്‌സ് അതോറിറ്റി പ്രസിഡന്റ് അബ്ദുല്ല ബിന്‍ മുസാഅദ് രാജകുമാരന്‍, ഡെപ്യൂട്ടി നാഷണല്‍ ഗാര്‍ഡ് മന്ത്രി അബ്ദുല്‍മുഹ്‌സിന്‍ അല്‍തുവൈജിരി തുടങ്ങിയവര്‍ ചേര്‍ന്ന് സ്വീകരിച്ചു. നിരവധി രാജകുമാരന്മാരും മന്ത്രിമാരും മുതിര്‍ന്ന ഉദ്യോഗസ്ഥരും അര്‍ദയില്‍ പങ്കെടുത്തു.