ജിദ്ദ: സഊദി ഉള്‍പ്പെടെയുള്ള ജി.സി.സി രാഷ്ട്രങ്ങളില്‍ ഭക്ഷ്യവസ്തുകള്‍ക്കും നികുതി ഏര്‍പ്പെടുത്താന്‍ നീക്കം. ഇതു സംബന്ധിച്ച് ചര്‍ച്ചകള്‍ പുരോഗമിക്കുന്നതായും സഊദി ധനമന്ത്രി ഡോ. ഇബ്രാഹീം അല്‍അസ്സാഫ് അറിയിച്ചു. ഏതെല്ലാം ഭക്ഷ്യ വസ്തുക്കള്‍ക്ക് എത്ര നിരക്കില്‍ നികുതി ഏര്‍പ്പെടുത്തണമെന്നാണ് ഇപ്പോള്‍ ചര്‍ച്ചകള്‍ നടക്കുന്നതെന്നും അദ്ദേഹം പറഞ്ഞു. ഇതു സംബന്ധിച്ച് ധാരണയായാല്‍ അടുത്ത വര്‍ഷം മുതല്‍ ഇതു സഊദിയില്‍ നടപ്പാക്കുമെന്നും ധനമന്ത്രി അറിയിച്ചു. 

എന്നാല്‍ മൂല്യവര്‍ധിത നികുതി 2018 മുതലാവും പ്രാബല്യത്തില്‍ വരുത്തുക. റിയാദില്‍ കഴിഞ്ഞ ദിവസം ചേര്‍ന്ന ജി.സി.സി ധനകാര്യമന്ത്രിമാരുടെ യോഗത്തില്‍ ആണ് ഇതു സംബന്ധിച്ച് തീരുമാനം ഉണ്ടായത്. ശീതള പാനിയങ്ങള്‍ക്ക് പകുതിയും എനര്‍ജി ഡ്രിങ്ക്‌സിനും പുകയില ഉത്പന്നങ്ങള്‍ക്കും നൂറു ശതമാനം നികുതി ഏര്‍പ്പെടുത്താനാണ് ഉദ്ദേശിക്കുന്നത്.

എന്നാല്‍ മൂല്യവര്‍ധിത നികുതി നടപ്പാക്കുന്നത് സംബന്ധിച്ച് ജി.സി.സി രാജ്യങ്ങള്‍ക്കിടയില്‍ അന്തിമധാരണയിലെത്താന്‍ കഴിഞ്ഞിട്ടില്ല.
പുതിയ നികുതി സമ്പ്രദായം ഗള്‍ഫ് രാജ്യങ്ങളിലെ ബജറ്റിനെ ഒരു പരിധിവരെ പരിഹാരം കാണുവാന്‍ കഴുിയുമെന്നാണ് സാമ്പത്തിക വിദഗ്ധരുടെ അഭിപ്രായം.