മ്യൂണിക്ക്: ജര്‍മന്‍ ബുണ്ടസ് ലീഗ ടീം ഹാംബര്‍ഗര്‍ എസ്.വി പരിശീലക സ്ഥാനത്ത് നിന്ന് മാര്‍കസ് ഗിസ്‌ഡോളിനെ പുറത്താക്കി. കഴിഞ്ഞ ദിവസം അവസാന സ്ഥാനക്കാരായ കൊളോണിനോട് 2-0ത്തിന് പരാജയപ്പെട്ടതിന് പിന്നാലെയാണ് കോച്ചിനെ പുറത്താക്കിയത്. സീസണില്‍ ടീം തരംതാഴ്ത്തല്‍ ഭീഷണി നേരിടുകയാണ്. കോച്ചിനൊപ്പം സഹ പരിശീലകര്‍ക്കെതിരേയും ക്ലബ് നടപടിയെടുത്തിട്ടുണ്ട്. പുതിയ പരിശീലകനായി ബെന്‍ഡ് ഹോള്ളര്‍ബാചിനെ നിയമിച്ചിട്ടുണ്ട്.