പാലക്കാട്: നാഷണല്‍ എംപ്ലോയ്‌മെന്റ് എക്‌സ്‌ചേഞ്ച് നടത്തുന്ന തൊഴില്‍മേള 'നിയുക്തി'ക്ക് ഇന്ന് കോഴിക്കോട്ട് നടക്കും. മലബാര്‍ ക്രിസ്റ്റന്‍ കോളജില്‍ നടക്കുന്ന മേള രാവിലെ 11ന് തൊഴില്‍-എക്‌സൈസ് വകുപ്പ് മന്ത്രി ടി.പി. രാമകൃഷ്ണന്‍ ഉദ്ഘാടനം ചെയ്യും.
മേളയില്‍ 75 പ്രമുഖ സ്വകാര്യ സ്ഥാപനങ്ങളിലെ 6000-ത്തിലധികം ഒഴിവുകളിലേക്ക് അഭിമുഖം നടത്തും.എം.ബി.ബി.എസ്, ബി.എസ്‌സി നഴ്‌സിങ്, ബി.എസ്.സി എം.എല്‍.ടി, ബി.ഡി.എസ്, ആര്‍ക്കിടെക്ചര്‍ യോഗ്യതയുള്ളവര്‍ക്കും എസ്.എസ്.എല്‍.സി, പ്ലസ്ടു യോഗ്യതയുള്ളവര്‍ക്കും തൊഴില്‍മേളയില്‍ അവസരങ്ങളുണ്ട്.
നാഷനല്‍ ഇന്‍ഫര്‍മാറ്റിക്‌സ് സെന്റര്‍ രൂപകല്‍പന ചെയ്ത സോഫ്റ്റ്‌വേറിലൂടെയാണ് തൊഴില്‍മേളയുടെ അഭിമുഖങ്ങള്‍ നടത്തുന്നത്. ഖീയളലേെ.സലൃമഹമ.ഴീ്.ശില്‍ രജിസ്റ്റര്‍ ചെയ്ത സ്ഥാപനങ്ങള്‍ക്കും വിദ്യാര്‍ഥികള്‍ക്കുമാണ് മേളയില്‍ പങ്കെടുക്കാന്‍ അവസരം.
പാലക്കാട് മുതല്‍ കാസര്‍കോട് വരെയുളള ജില്ലകളിലുള്ളവര്‍ക്ക് പങ്കെടുക്കാം. വെബ്‌സൈറ്റില്‍നിന്ന് അഡ്മിഷന്‍ കാര്‍ഡ് ഡൗണ്‍ലോഡ് ചെയ്താണ് ജോബ് ഫെസ്റ്റില്‍ പങ്കെടുക്കേണ്ടത്. പങ്കെടുക്കേണ്ട സമയം ഹാള്‍ ടിക്കറ്റില്‍ രേഖപ്പെടുത്തിയിരിക്കും.