വടകര: മഹാത്മ ദേശസേവാ ട്രസ്റ്റിന്റെ ആഭിമുഖ്യത്തില്‍ താളും തളിരും ജീവരക്ഷയ്ക്ക് എന്ന സന്ദേശമുയര്‍ത്തി ഹരിതാമൃതം 2017 ജൈവ എക്‌സിബിഷന്‍ വടകര ടൗണ്‍ഹാളില്‍ പത്മശ്രീ മീനാക്ഷിയമ്മ ഉദ്ഘാടനം ചെയ്തു. പരമ്പരാഗത ജീവിതത്തിന്റെ ഈടുവെപ്പുകള്‍ ഭാവി തലമുറക്ക് കൈമാറുക എന്ന ലക്ഷ്യത്തോടെ നടത്തുന്ന ഹരിതാമൃതം ജൈവ എക്‌സിബിഷന്‍ 14 വരെ നീണ്ടു നില്‍ക്കും.
ഉദ്ഘാടന പരിപാടിയില്‍ ഹരിതാമൃതം ചെയര്‍മാന്‍ പി.പി ദാമോദരന്‍ അധ്യക്ഷനായി. ബുള്ളറ്റിന്‍ പ്രകാശനം മനയത്ത് ചന്ദ്രന്‍ പ്രൊഫ കെ.കെ മഹ്മൂദിന് നല്‍കി നിര്‍വഹിച്ചു. ടി. ശ്രീനിവാസന്‍, വി. അശോകന്‍, പി. ബാലന്‍, പി.എം വത്സലന്‍, പി. അശോകന്‍, വി. ഗോപാലന്‍, ടി.വി ബാലകൃഷ്ണന്‍ നമ്പ്യാര്‍, വൈദ്യന്‍ എം. അബ്ദുല്ല, കെ.പി ചന്ദ്രശേഖരന്‍, പി രാജേഷ്, വി.പി രമേശന്‍, കെ. ഗോപാലന്‍ വൈദ്യര്‍, പി. ഹരീന്ദ്രനാഥ്, ടി. ബാലക്കുറുപ്പ്, ഇ.ജി ഗോപാലകൃഷ്ണന്‍, പി.പി രാജന്‍, കെ.വി മുഹമ്മദ് ഗുരുക്കള്‍, ശ്രീധരന്‍ മേപ്പയില്‍, പ്രകാശന്‍ ഗുരുക്കള്‍ സംസാരിച്ചു.
പുറന്തോടത്ത് ഗംഗാധരന്‍ സ്വാഗതവും എന്‍.കെ അജിത്കുമാര്‍ നന്ദിയും പറഞ്ഞു. തുടര്‍ന്ന് ബെന്നി ജോസഫ് പ്രഭാഷണം നടത്തി. സി.എച്ച് ശിവദാസ് അധ്യക്ഷനായി. വിനോദ് ചെറിയത്ത്, ടി.കെ രാമദാസ്, അന്നമ്മ ദേവസ്യ സംസാരിച്ചു.