വടകര: വടകരയില്‍ നിരന്തരമായി അനുഭവപ്പെടുന്ന റോഡ് അപകടങ്ങളും അനധികൃത പാര്‍ക്കിങും ഒഴിവാക്കാന്‍ റോട്ടറി ക്ലബിന്റെ നേതൃത്വത്തില്‍ വടകര പൊലിസിന് ഉപകരണങ്ങള്‍ നല്‍കി. വടകര പുതിയ ബസ് സ്റ്റാന്‍ഡില്‍ നടന്ന പരിപാടിയില്‍ വടകര ടൗണ്‍ റോട്ടറി പ്രസിഡന്റ് എ. പ്രശാന്ത് ഉപകരണങ്ങള്‍ വടകര ഡിവൈ.എസ്.പി കെ. സുദര്‍ശന് കൈമാറി. ചടങ്ങില്‍ മുനിസിപ്പല്‍ വൈസ് ചെയര്‍പേഴ്‌സണ്‍ കെ.പി ബിന്ദു അധ്യക്ഷയായി.
റോട്ടറി മുന്‍ ഡിസ്ട്രിക് ഗവര്‍ണര്‍ എം. പ്രകാശ്, കണ്‍ട്രോള്‍ റൂം എസ്.ഐ ഗിരീഷന്‍, ട്രാഫിക് സീനിയര്‍ സിവില്‍ പൊലിസ് ഓഫിസര്‍ നികേഷ്, ഡോ. മോഹന്‍ സംസാരിച്ചു.
വി. വിദ്യാസാഗര്‍ സ്വാഗതവും എം.ടി ദിവാകരന്‍ നന്ദിയും പറഞ്ഞു.